Diyarname

Li ser hilbijartina 1'ê Sermawezê HDP û EMEP'ê biryara xwe ya dawî da: Ew dê dîsa îtîfaqê bikin.

Piştî mebûsê HDP'ê Levent Tuzel di Hikumeta Hilbijartinê de wezîrî qebûl nekiribû di navbera HDP û EmEP'ê de nelixweşiyek çêbûbû, raya giştî li bendê bû ku di hilbijartina bê de dê helwesta wan çawa be.

Hevseroka HDP'ê Fîgen Yuksekdag û Seroka EMEP'ê Selma Gurkan bi hev re daxuyaniyeke nivîskî weşand û wisa got: "HDP û EMEQ çawa heta îro ji bo mafên demokratîk û azadiyên siyasî bi hev re têkoşîn dabûn dîsa vê bihevrebûna xwe didomînin. Ne tenê em hemû hêzên demokratîk divê bi heman biryarî tevbigerin, ev yek mecbûrî ye. Li ser vê yekê di hilbijartina 1'ê Sermawezê de me biryar girtiye ku bi hev re tevbigerin. Em bang li hemû hêzên demokratîk dikin ku piştgirî bidin HDP'ê."

Her wiha HDP'ê ragihand ku dê bi Federasyona Mafên Demokratîk re jî di hilbijartinê de bi hev re tevbigere.