Rojnameya alman Bildê xwest ji ser telefonên iphone xizmeta ‘tazîkirina keçikên seksî yên rûpela yekem’ pêşkêş bike lê Apple’yê bersiva “Ev ne li gor standarda ehlaqê ye” da.

Rojnameya tabloîd a herî mezin a Ewropayê Bilnd dixwaze bi wêneyên keçikên xwe bikeve nav jiyana sanal. Gerînendeyê Giştî yê Weşanê yê Bildê Kai Diekmann û pisporên bazara sanal a rojnameyê bi rêbaza ku “Shake the Bild Girl” lê kirine dema telefonê dihejînin keçik kincên xwe derdixe. Ew li bendê bûn ku ev yek di iPhone de bikar bînin. Bildê di meha berfanbara borî de ev rêbaz bikaranî bû û dixwest vê xizmeta xwe di iPhone de xurtir bike. Heta niha jî 100 hezar kesî ev rêbaz daxistibû telefona xwe.

Lê niha dibe ku ev wêneyên seksî bêne betalkirin. Ji ber ku avakarê iPhone şîrketa Apple li ser wê fikrê ye ku seks di vê nekeve nav vê amûra wan. Li hemberî vê yekê koma çapemeniyê Aksel Springer ku Bild girêdayî wê ye dixwaze piştgiriya komên çapemeniyê yên Almanyayê yên din jî bigire û Appleyê şermezar bike.

Serokê beşa dijital a Bildê Donata Hopfen di Federasyona Weşangerên Rojnameyên Almanyayê de ev mijar anî rojevê û got ku ev kirina Apple sansur e.