Alan, zarokek kurd, ji Kobanî. Alan ligel birê xwe, dê û bavê xwe xwestin ji ser Tirkiyeyê re herin Yewnanistanê, tê keştî noqav bû û wan jiyana xwe ji dest da. Wêneyê Alanê biçûk li hemû dinyayê belav bû, dinya ji bo wî giriya lê êdî girî jî pere nedikir.
Nûçegîhanê BBC Fergal Keane xwe gihand bavê Alanê biçûk Abdullah Kurdî. Kurdî ku du zarok û jina wî di bûyerê mirin, got: "Ez dixwazim cara dawî zarokên xwe bibînim û heta bêdawî li cem wan bim."
Kurdî bi vî rengî qala bûyerê kir: "Qaçaxçiyê mirovan em birin cem tirkek. Kesê keştî diajot jî têde bi giştî em 13 kes bûn. Piştî em 4-5 deqe çûn ev kesê keştî diajot meziniya pêlan dît û xwe avêt avê û reviya. Min kir ku keştiyê bajom, lê pêlek mezin li keştiyê da. Wê çaxê her tişt qewimî. Min kir ku zarok û jina xwe pê bigirim lê min nekarî. Yek bi yek mirin."
Kurdî gelek ji zarokên xwe hez dikir û wisa dibêje: "Ew zarokên herî xweşik ên dinyayê bûn. Ma ji bo her kesî zarokên wan ne yên herî xweşik ên dinyayê ne? Ew mikemel bûn. Ji bo bilîzin her serê sibê wan ez hişyar dikirim. Ma ji vê xweştir çi heye? Her tişt bi dawî bû."
Kurdî dixwaze li cem gora malbata xwe rûne û êşa xwe bikewîne.