HANA AZAD/ROJNEWS
8. civîna her 5 partiyên şirîkên hikûmeta Herêma Kurdistanê ya ku li ser qeyrana serokatiya Herêma Kurdistanê bê ku bigîhin encamekî zelal bi dawî bû.
8. civîna PDK, Tevgera Goran, YNK, Komeleya Îslamî û Yekgirtûya Îslamiya Kurdistanê ya ku îro li Hola Seed Abdulah ya li Hewlêrê li ser qeyrana serokatiya Herêma Kurdistanê hatî destpê kirin bi dawî bû.
Piştî civînê Serokê Dîwana Serokatiya Herêma Kurdistan Fûad Hisên civînekî çapameniyê di derbarê mijarên di civînê de hatine nîqaşkirin li darxistin. Fûad Hisên diyar kir ku di civênê de biryar hatiye dayîn ku aliyên siyasî şerê ragihandinê bidin rawestandin û wiha ragihand: "Îro di civînê de aliyên siyasî negihiştin biryara dawî. Lê belê pileyek ber bi serve çûn. Deriyekî mezin di nava hêzên siyasî de di derbarê çareseriyê de vekiriye."
Fûad Hisên spasiyên xwe pêşkêşî welatiyên Helebçe yên ku îro hatin li ber avahiya civîn lêdihat lidarxisitin û daxwazên xwe pêşkêş kirin kir. Hisên di derbarê pêşniyarên her 4 aliyên siyasî de jî wiha got: "Her 4 aliyên siyasî pêşniyarên xwe pêşkêş kirin, Pêşniyar ew bûn ku serokê Harêma Kurdistanê di nava parlamentoyê de bi heman desthildariya niha bê hilbijartin û pêşniyara dûyemîn jî ew bo ku ji aliyê gel ve bê hilbijartin lê desthildariya wî bê kêm kirin û sembolîk be."
Hisên destnîşan kir ku PDK'ê biryar da ku pêşniyarekî ya aliyên siyasî bigrin û bibin li gel rêveberiya Partiya xwe nîqaş bikine.
Serokê Dîwana Serokatiya Herêma Kurdistan Fûad Hisên daxuyakirin ku ji ber ku hinek kenalên aliyên siyasî êrîş aliyan dikin, di civînê de biryar hat dayîn ku ev cûrên êrîşan bên rawestandin.
Hisên da diyar kir ku civîna bê ya her 5 aliyên siyasî wê di 06.10.2015 li Silêmaniyê pêkwere. Herwiha got ku wê di roja 21'ê Îlonê de jî li gel berpirsên ragihandina aliyên siyasî bicivin.
Herwiha hêjmarek welatiyên ji bajarê Helebçe di dema aliyên siyasî di civînê de bûn çûn pêşiya salona Seed Ebdullah û bi dirûşmeya ‘Lihevnekirin şerme û êdî bese’ û ‘Bê lihevkirin neyên derve’ xwepêşandanek lidarxistin. Xwepêşanderan daxwaz kirin ku êdî rewş bi vî awayî berdewam neke.
Nûnerê xwepêşanderan ji dezgehên ragihandinê re wiha got: “Em ji ber acizbûna rewşa niha hatine vê derê û em daxwaz dikin ku alî li ser mijara serokatiya Herêma Kurdistanê lihev bikin."
Li ser spasdariya Fûad Hisên a ji bo xwepêşdaran Nûnerê xwepêşanderan gotin ku me spasdarî navê û em li bendê ne ku cejna me bibe dû cejin û bersivên keyfxweşiyê bidin û bila fûad Hisên bersiva xizmên şehîdê Helebçe bide.
Serokê Dîwana Serokatiya Herêma Kurdistan Fûad Hisên jî got peyama xwepêşanderên a li civînê zelale.