Li ser weşana TRT 6'ê GUN TV ji bo destûra zêdekirina weşana bi kurdî serî li RTUK'ê da.
Li Tirkiyeyê Lijneya Jorîn a Radyo û Televîzyonan (RTUK) ji weşanên radyo û televîzyonan berpis e. Li gor rêziknameya RTUK'ê televîzyonên herêmî rojê 45 deqîqe, hefteyê 4 saetan dikarin "weşana bi zaravayên herêmî" bikin. Ji bo vê jî jêrnivîsa bi tîrkî divê. Di 1'ê vê mehê de TRT 6 bi weşana 24 saetan dest bi weşana bi kurdî kir. Li ser vê yekê GUN TV ku li Amedê û derdora wê weşanê dike serî li RTUK'ê da û xwest ev dema weşana bi zavarayên herêmî berfireh bike.
Li ser serîlêdanê Gerînendeya Giştî ya Weşana Gun TV Diren Keser wisa got: "Li temamê Tirkiyeyê em tekane kanal bûn ku me bi kurdî weşan dikir. Bêyî guherîneke zagonî pêk bê weşana TRT 6'ê ya bi 24 saetan em şoq kirin. Me jî serî li RTUK'ê da û xwest derfetên ji bo weşanê yên ku ji bo TRT 6'ê pêşkêş kirine ji bo me jî bikin serbest. Rayedarên RTUK'ê gotin ku TRT 6 ji peykê weşanê dike, niha nikare ji ser bejahiyê re weşanê bike jibo vê yekê guherîna zagonî divê. Ji me re gotin ku TRT 6 dixwaze li ser bejahiyê re weşanê bike û dema ev yek çêbibe dê ji bo me jî daxwaz pêk bê."
Ji ANF'ê hatiya girtin