Enqere
Mebûsê DTP'ê Osman Ozçelîk ji Wezîrê Edaletê pirsî: Gelo girtina pirtûkên kurdî ji bo girtîgehan qedexe ye yan na?
Mebûsê DTP'ê yê Sêrtê Osman Ozçelîk, ji bo Wezîrê Edaletê Mehmet Alî Şahîn bibersivîne der barê negirtina pirtûkên kurdî ya ji bo girtîgehan pirsyarname da.
Girtiyekî kurd bi navê Zekî Kayar dema li Girtîgeha Tîpa H ya Entabê bû pirtûkeke bi kurdî ya helbestan "Dilê Xembar" nivîsî bû. Kayar niha li Girtîgeha Tîpa E ya Sêrtê ye û pirtûka wî nagirin girtîgehê. Yanê nivîskarê ku pirtûk nivîsiye, nikare xwe bigihîne pirtûka xwe. Li ser vê yekê mebûs Ozçelîk pirsiyarnameyeke pêşkêşî Wezîrê Edaletê Mehmet Alî Şahîn kir û ev pirs kir: "Der heqê pirtûkê de tu biryara berhevkirinê nehatiye dayîn. Pirtûk ji aliyê Weşanên TEVN'ê ve hatiye çapkirin û li gelek pirtûkxaneyan jî tê firotin. Gelo qedexeya girtina pirtûkên kurdî ji bo girtîgehê heye an na? Ger qedexeyek wiha nebe dê pirtûka nivîskar kengî teslîmî wî bikin?