Diyarname
13'emîn Festîvala Fîlman a Bogazîçî êvara 14'ê mehê bi merasima xelatdayînê bi dawî bû. Di festîvalê de fîlmên "Parçali Yillar" û "Tavşan İmparatorlugu" bi ser ketin.

Fîlmê derhêner Hasan Tolga Pulat "Parçali Yillar" xelata Fîlmê Herî Serketî û Senaryoya Herî Serketî girt. Fîlmê derhêner Seyfettin Tokmak "Tavşan İmparatorlugu" jî Xelata Derhênerê Herî Serketî, Derhênerê/a Dîmenê yê/a Herî Serketî û Xelata FİYAB'ê ya Sazkarên Serketî girt. Belgefîlmê bi kurdî-tirkî yê derhêner Kenan Diler "Li Ber Siya Spîndarê" xelata Belgefîlmê Herî Serketî girt.

'EZ DIYARÎ KESÊN XWEDÎ WIJDAN DIKIM'
Derhêner Kenan Diler di dema xelatgirtinê de sipasiya malbata xwe, hevalên ligel wî kar kirine kir û got, "Sipasiya girîng ji bo karakterê me Mikail dikim. Civaka belgefîlmkaran wijdanê vî welatî ye. Ez vê xelatê diyarî hemû kesên guh didin wijdanê xwe û fîlman çêdikin, dikim."
Va ne hemû xelatên hatin belavkirin:
PÊŞBAZIYA FÎLMÊN METRAJDIRÊJ A NETEWEYÎ:
- FîlMê Herî Serketî: Parçali Yillar (Hasan Tolga Pulat)
- Derhênerê Herî Serketî: Seyfettin Tokmak (Tavşan İmparatorlugu)
- Senaryoya Herî Serketî: Hasan Tolga Pulat (Parçali Yillar)
- Lîstikvana Herî Serketî: Didem İnselel (Kanto)
- Lîstikvanê Herî Serketî: Engin Altan Duzyatan (Bir Adam Yaratmak)
- Vesazkirina Herî Serketî: Naim Kanat (Kesilmiş Bir Agaç Gibi)
- Derhênerê/a Dîmenê yê/a Herî Serketî: Claudia Becerril Bulos (Tavşan İmparatorlugu)
- Xelata Sazkarên Serketî ya FİYAB'ê: Seyfettin Koçak (Tavşan İmparatorlugu)
PÊŞBAZIYA BELGEFÎLMÊN NETEWEYÎ:
- Belgefîlmê Herî Serketî: Li Ber Siya Spîndarê (Kenan Diler)
- Xelata Taybet a Juriyê: Ozgur Kelimeler: Gazzeli Bir Şair (Abdullah Harun İlhan)
PÊŞBAZIYA FÎLMÊN METRAJDIRÊJ A NAVNETEWEYÎ:
- Fîlmê Herî Serketî: The Presidents’ Cake (Hasan Hadi)
- Derhênerê Herî Serketî: Hlynur Palmason (The Love That Remains) 
- Lîstikvana Herî Serketî: Saga Gardarsdottir (The Love That Remains)
- Lîstikvanê Herî Serketî: Arif Yakup (DJ Ahmet)
- Xelata Taybet a Juriyê DJ Ahmet (Georgi M. Unkovski)
PÊŞBAZIYA KURTEFÎLMAN 
Xelata Kurtefîlmê Herî Serketî (Neteweyî): Kesik Kulak (İsmail Hakki Koçak)
- Kurtefîlmê Herî Serketî (Navneteweyî): Video Store 2001 (Guillermo Polo)
- Xelata Ahmet Uluçay: Ne Me Quitte Pas (Karim Huu Do)
- Xelata Ciwanê/a Jîrek a İstanbul Medya Akademisi: Defne (Hamdi Furkan Yildirim)

Derhêner Seyfettin Tokmak bi fîlmê xwe "Tavşan İmparatorlugu" Xelata Derhênerê Herî Serketî, Derhênerê/a Dîmenê yê/a Herî Serketî û Xelata FİYAB'ê ya Sazkarên Serketî girt.

Derhêner Kenan Diler bi belgefîlmê xwe "Li ber siya spîndarê" xelata Belgefîlmê Serketî girt.
 

***

Nûçeya Eleqedar:

- Fîlmê 'Filistîn 36' hat nîşandayîn
- Festîvala Fîlman a Bogazîçî tê

Vîdeoyê li ser "Li ber siya spîndarê"

Vîdeoyê li ber belgefîlmê "Agaç Adam"