Ev çend roj in balafirên şer ên Tirkiyeyê çiyayê Başûr ku Çiyayê Qendîlê jî li wir e bombebaran dike. Balafiran îro gundek bombebaran kir. Li gor nûçeya DÎHA'yê balafiran gundek bi navê Zargele bombebaran kiriye, gelek mirî û birîndar hene.

Li gor agahiyên tên kesên çûne alîkariya gundiyan jî hatine bombekirin. 

Rojnewsê jî li ser bûyerê nûçeyek weşand û got ku di bombebaranê de 9 kesên sivîl mirine û 11 kes jî birîndar bûne.  

DÎHA'yê gotiye 8 kesî jiyana xwe ji dest daye û navên wan jî bi vî awayî ye: Nedîm, Pîro, Necîb, Salih, Karox, Hemîne, Êyşê û Ebdulkaqir.

Serokatiya Herêma Kurdistanê bûyer şermezar  

Serokatiya Herêma Kurdistanê bi daxuyaniyekê ev êrîş şermezar kir û got: "Şeva derbasbûyî li encama bombebarana firokeyên artêşa Tirkiye li Zargelî hejmarek welatiyên bê tawan şehîd û birîndar bûne. Serxweşiyê li kesukarên şehîdan dikin û hêviya başbûnê ji bo birîndaran dixwazîn. Em di demek de ku vê bombebaranê şermezar dikin ku bûye sedema şehîdbûna xelkê Herêma Kurdistanê, daxwazê ji Tirkiye dikin bombebaran kirina xelkê sivîl dûbare nebê û şehîdkirina welatiyên sivîl ên Herêma Kurdistanê ti pasawekê hilnagire.

Pêwîste hêzên PKK qada şer ji Herêma Kurdistanê dûr bikin û êdî welatiyên Herêma Kurdistanê nebin qurbana vê şer û gengeşeyê. Berdewamiya şer ziyanê ji bo xelkê sivîl dibê û daxwaz dikin her dû alî vegerin ser proseya aştiyê."