Diyarname

Hevserokê HDP'ê Selahattin Demirtaş di Koma Meclisêde axivî. Vaye notên ji wê axaftinê:

- Tekane sûcê ku bixin stûyê me tuneye, tekane sûcê me ew e me sedî 13 deng girtine. Bi Mutabakatê Dolmabahçeyê me soz da civaka Tirkiyeyê, hefteyek paşê ji vê ber bi paş ve gav avêtin û Serokomar bi gotina "Pirsgirêka kurd nîn e" dawî li meseleyê anî.

Derbeya Erdogan

- Piştî 7'ê pêşperê derbeya Recep Tayyip Erdogan hatiye kirin. Ew ji ku vê rayeyê digirin? Niha welat ber bi şer ve dibin, vê rayeyê ji ku digirin? Di 7'ê pûşperê de ev raye ji we hat girtin. Êdî hûn bi tena serê ne desthilatdar in. Yên ku niha biryaran didin li hemberî sindoqên 7'ê pûşperê derbe kirine.

- Hinek dûvikên derbeyê jî hene. Jixwe re dibêjin neteweperest, ji bo vê derbeyê li çepikan didin. Ka we digot yê here Qesrê emê ji partiyê biavêjin. Duh hûn li Qesrê bûn. We Bîlal dixwest, we Bîlal negirt lê we hîlal da.

- Ez sipasiya her kesê ku ew metna Dolmabahçeyê çêkirine dikim. Ji ber ku bi vê kilîtê aştiyê teslîmê civaka Tirkiyeyê kirin. Piştî mutabakatê bi hefteyek Serokomar bi paş ve gav avêt. Niha PKK bixwaze bi çekên xwe dakeve xwarê jî dê bikevin pêşî bibêjin eman danekevin. 

Serokomar pêşî li çekberdanê girt

- Ez bangê aliyên AKP'ê dikim, yên ku ji bo deklerasyonek bangi me dikin; ez ji bo wan mutabakata Dolmabahçeyê bibîra we dixim. Tenê hefteyek mabû pirsgirêka 40 salan çareser bibe. Çima we dest jê berda? Rêberê rêxistina li çiyê digot hefteyek paşê ji bo çekberdanê ezê bang bikim. Em ji bo vê dilixweş bûn, hûn çima tirsiyan. Birêz Serokomar ji ber çekberdana PKK'ê tu çima tirsiyayî? Serokomarê vî welatî pêşî li çekberdana PKK'ê girtiye. Pêvajo bi dawî bûye.

- Anketan nîşan da ku rê li ber serokdewletiya wî hatiye girtin loma dev jê berda. Ez li ser navê hemû baweriyan sond dixwim ku tehdîda ku dê welat parçe bibe tuneye. Rêxistina ku jêre PKK dibêjin 20 sal berê dest ji parçekirina vî welatî berda.

- Dayik û bavên zarokên xwe şandine leşkeriyê, yên zarokên wan polîs in, ev hemû zarokên menne. Birên me ne. Em ji bilî xemgîniyê tu tiştekî li hemberî mirinê hîs nakin, em qehr dibin ji ber mirinan. Lê ji bo parastina welat van zarokan naşînin. Ji bo parastina Qesrê ev zarokan bi ala Tirk pêçayî tên. Ger parastina welat e werin em bi hev re biparêzin. Di dîrokê de me gelek caran ev yek kir, îro em dîsa bikin. Lê bila kes ji bo berjewendiyên partiyekê bila kes nexwaze em zarokên xwe bidin. Ev zarok hêsan mezin nabin. Em wan nekin qurbanê berjewendiyên Qesrê. Li holê parastina welat tune ye.

- Dezgeh wsa çêkirine ku dê xwîn birije, dê tirk û kurd, leşker, polîs dê bikin, PKK'yî dê bimirin. Û hemû xwînê dê biavêjin stûyê HDP'ê. Hesab planek qirêj e.

Gladyoya Qesrê 

- Rêxistina gladyo ya girêdayî Qesrê heye, bi vê şerê qirêj dide kirin. Di hemû karên dewletê de rêxistina xwe ya taybet bikar tîne. Îstîxbarata MÎT'ê tê cem wî. Dadgehên girêdayî wî hene, trollên çapemeniyê yên bi meaş ên wî hene. Li hemberî HDP'ê plana çêdike.

- Hûn dizanin fermana komkujiya Pirsûsê li ku hat dayîn? Yên ku ev komkujî kirin ev gladyo bû. Bi rebenekî ku xistine nava kar vê gladyoyê ev yek kir. Zarokên paqij ên vî welatî hatin qetilkirin.
Êrîşa Pirsûsê jî, kuştina du polisan, dûre kuştina leşkerek li Semsûrê jî encama karê qirêj e.

- Çi dibe bila bibe emê dest ji zimanê aştiyê bernedin. Dê êrîş bikin, kêmînan deynin. Ji bo bi tena serê xwe bibin desthilatdar pêdivî bi têkbirina HDP'ê heye. Partiyan gel digire, gel vedike. Hûn biryara destnedanê dikin, 80 mebûsên me hene emê serî li meclisê bidin bila destnedana me rakin, bila yê hemû mebûsan rakin, em bi xwe jî emê deng bidin. Fermo, yê ku bitirse bila bibe wekî we.

Bi fermana serokwezîr nehiştin cenaze bên

- Li Cemxaneyê nehiştin sê roj cenaze rabe. Cenazeyên 13 lehengên ku li Kobanî li hemberî çeteyên tecawizkar şer kirin nehiştin ji deriyê Xabûrê bînin hundir. Bi fermana serokwezîr ev 4 roj in cenaze li derî disekinin.

- Li Rihayê polîsan 60 ciwan girtine bin çavan. Çiwal xistine serê wan, kêr dane ber stûyê wan û gotine "em DAIŞ in". Ev gotin dii îfadeyên ciwanî de hene. Gor bi wan dane kolan. Ez qala salên 1990'î nakim ha, hê hefteya borî ev yek çêbû. Qala wisa tiştan tê kirin ku rûmeta mirov nikare vê bîne ziman. Ev yek di serdema desthilatdariya AKP'ê de çêbûne.

Em dest nedin hev dê her roj cenaze rabin. Dê li welatê ku dizî dikin kêfa xwe bikin.

Hûn aştiyê dixwazin, fermo

Hûn aştiyê dixwazin, karê rojekê ye. Vaye birêz Ocalan di bin tecrîdê de ye. Hûn çima F16'Yan radikin. Bi fermanek balafirên şer radibin, kostera diçe Îmralî çima ranabe? Balafirên şer xira nabin, çima Kostera diçe Îmralî xira dibe?

- Li hemberî wan ne ku çokdayîn, emê çavê xwe jî nekirpînin. Dê zor li me bikin, êrîş bikin lê emê dest ji zimanê aştiyê bernedin.

Ji bo hemû axaftinê:

VÎDYO: AXAFTITAN DEMÎRTAŞ A LI KOMA MECLISÊ, 28.07.2015