Diyarname

Mebûsê HDP'ê yê Mêrdînê Mehmet Ali Aslan roja 10'ê tîrmehê li meclisê daxuyaniyeke da çapemeniyê û got: "5'ê tîrmehê li gundê Bagyagi Stêwra Mêrdînê em beşdarî merasima cenazeyê kesek li Kobanî jiyana xwe ji dest dabû. Dema em gihîştin gund leşker bi hemû techîzatên xwe pêşî li me girtin. Bi zanebûn û sîstematîk hêzên ewlehiyê êrîşê mebûsên HDP'ê dikin."

Aslan got ku serleşker gotiye ew bi fermana walî li wê derê ye, ger diruşm bêne avêtin û lorîn bêne xwendin ew dê mudexele bikin. Aslan wisa dom kir: "Piştî defnê di vegerê de leşkera li ser rêya gund gotin avêt ser gundiyên ji wir derbas dibin û dehf dida gelê me yê bi êş. Her wiha dayikek lorîn dixwezin leşkerek çêrên ku mirov nikare bibêje ji wê re gotin. Dema min ew çêr dîtin, min ew hişyar kirin lê leşker bi ser min de hatin. Rêveberên HDP'ê ketin navberê ez ji destê leşkeran derxistim. Leşkeran êrîşê Mebûsê Şirnexê Ferhat Encu jî kiribûn.  Bi zanebûn û sîstematîk hêzên ewlehiyê êrîşê mebûsên HDP'ê dikin."

Aslan got ku ew hêvî dike dê Wezîrê Karên Hundir û Wezîrê Parastinê yê Neteweyî li ser vê yekê lêkolînê bike û agahî bide wan.

Li ser pirsa ku "Di dîmenan de Ence çêran li leşkeran dike, hûn li ser vê yekê çi dibêjin" jî Aslan wisa got: "Min li wan dîmenan temaşe nekiriye. Lê çêr ne li me, ne li HDP'ê ne jî li mebûsan nayê. Lê gere mirov dîmenên berî wê û piştî wê temaşe bike.Wê çaxê kesek din çêr kiribin, dibe wî bersiv dabe, gere mirov li vê jî binêre."

Beştaş: AKP û leşker bûne yek

Heman rojê Mebûsa HDP'ê ya Edeneyê Meral Daniş Beştaş jî civînek çapemeniyê li dar xist û got ku di salên 90'î de gelek kuştinên kiryar nediyar çêbûn, gund hatin şewitandin, îşkence hatin kirin, li ser van doz hene lê dadgeh tiştek nakin. Beştaş got ku di rewaş îro de AK Partî û wesayeta leşkerî li heman xalê gihiştine hev, berdana kesên di doza Ergenekon û Balyozê de bi heman encamî hatiye kirin.

Mebûsa HDP'ê Beştaş wisa got: "Ak Partî dadgeha xwe çêkiriye û kîjan biryarî bixwaze li gor xwe ji wir dide derxistin. Dozên ku ji bo em bi paşeroja xwe re rû bi rû bimînin hemû yek bi yek têne betalkirin."