Diyarname

Dr. Heznî Haco ji bo Serokê Herêma Kurdistana Federal Mesûd Barzanî nameyek nivîsî û ew name gihandiye me ku em biweşînin. Ji bo girîngiya meseleyê em nameyê bêyî destê xwe bidin diweşînin. Vaye ew name:

Birayê hêja, Mesûd Barzanî, serokê herêma Kurdistana federal!

Silav û rêz.

Di ti deman de, gele me neketiye rewşek hewqas guncaw de, ku azadiya xwe bidet xwe bixîne, lê di heman demê de, neketiye ser rêçek ji şûr tûjtir û ji mû ziravtir de. An dê vê azadiyê di astek bilindtir de bidest xwe ve bîne, yan dê malwêraniyek mezintir ji yên ku hatine sere wî , jiyan bike.

Paş jinavçûna kerekorê Şahê Îranê û  Seddamê xwînxwar, niha gele kurd bi giştî ketiye ber şapeyek hovîtiyê ku ne kêmtir e ji ya Holako û Cengîzxan. Şapeyek ku yek ji armancên wê yên sereke, qirkirina gele  me li Başûr û Rojava ye. Dixwazin destkeftiyên me ji holê rakin.

Li başûr û rojavayê welêt, gele kurd ji cîhanê tevî re da xuyakirin ku bi tenê ew dikare di ruyê vî dijminê çêkirî de li ber xwe bide. Yekbûna hêzên kurd li Mexmûr, Şingal, Kerkûk û Kobanê bi piştevaniya hevpeymaniya navdewletî em ta niha parastne. 

Tam di vê kêliyê de, dengin ne xêrxwaz armanc dikin ku hêzek din, bi navê ‘’Peşmergeyên Rojava’’, derbasî Rojava bibe.  Pirraniya vê hêzê ji leşkerên dektatorê Sûriyê cudabûn û xwe li başûrê welatê xwe girtin, daku ji kuştinê rizgar bibin. Yek ji partiyên Rojava, destê wê di avakirin û xwedîkirina vê hêzê de nîn e. Ew, ta vê deme bi erka xwe ya netewî li başûr, radibin. Destê wan û yê we xweş.

Pirtir ji her kesî cenabê we, dizanin,  me, li bakur ta 1980, li Rojhilat ta dawiya salên 80êyî û li Başûr ta destpêka sedsala 21an, çi malkavilî ji destê vê du- yan pirhêziyê kişandye. Ji xwe  cenabê we ye, yê ku her dem dubare kiriye: Êdî birakujî hêla sor e. Çûna ‘’Pêşmergeyên Rojava’’ bo xaka Rojava, bê koordinasyonek rêk û pêk û pir zelal bi YPG re, tê wateya destpêkirina birakujiyê. 

Tevî ku ez dizanim hûn di bin çi fişarê de ne, lê ez, ne di wê hêvî – ne jî di wê baweriyê de me – ku hûn dê rê bidin karek hewqas bive û metirsîdar, rûbide.

Digel silav û rêz

Birayê we

Dr. Heznî Haco (Hajo)