Diyarname

Bi hemû zordarî, êrîş û bombeyan, bi hemû hêviyan hilbijartineke din dest pê kir.

Ji eniya HDP'ê Hevseroka HDP'ê Figen Yuksekdag saet li dor 9.30'î li Wanê dengê xwe da. Yuksekdag got ku ligel hemû zordariyan em hatin cem sindoqan, baweriya me ew e ku dê encama herî baş derkeve holê. Ji bo vîneke baş derkeve holê em wekî partî me têkoşîneke xurt da.

Hevserokê HDP'ê Selahattin Demirtaş jî saet dor 10.30'ê li Dibistana Mevlana ya li Sancaktepeya Stenbolê dengê xwe da. 

Ji Tirkiye û derveyî Tirkiyeyê gelek endamên çapemeniyê dengdayîna Demîrtaş şopandin. Demîrtaş piştî dengdayînê ji bo çapemeniyê axivî û got: "Me kampanyayeke zor û zehmet a hilbijartinê temam kir. Îro gelê me li cem sindoqan e. Hemû daxwaza me dema sindoq vebûn encameke ku rê li ber aştî û demokrasiya Tirkiyeyê veke derkeve holê. Em nikarin bibêjin pêşbaziya hilbijartinê bi awayekî demokratîk meşiya. Me kir ku hêviyê mezin bikin, hezkirina biratiyê mezin bikin. Berî ku sindoq vebin baweriya min ew e ku di vî warî de em bi ser ketin. Hêvî dikim her kes here û dengê xwe bide. Ev dengdayîn ji bo pêşeroja me, ji bo zarok û neviyên me ye. Ez bawerim emê hemû bi hev re siberojên azad ava bikin. Encama hilbijartinê çi dibe bila bibe bila kes hêviya xwe winda neke. Ez hêvî dikim dê hilbijartin bibe sedema zagoneke bingehîn a nû ku kes têde xwe wekî hemwelatiyê di rêza duyemîn de hîs neke. Daxwaza me ew e  ku çi zerf avêtin sindoqê heman zerf jê derê. Bila bi xêr be, Xwedê me nede şermê."

Her wiha Serokwezîrê Tirkiyeyê Ahmet Davutoglu li Konyayê dengê xwe da.

Li her derê dengdayîn dest pê kir

Li bakur û Tirkiyeyê ji serê sibê de gel ber bi sindoqan ve çû û dengên xwe dan. 

Heta niha bi giştî eleqeyeke mezin ji bo hilbijartinê dixuye.