Diyarname

Ji bo Lîga Şampiyonan du tîmên mezin hatin hemberî hev. Berî bigihîn fînalê dê di nîvfînalê de fînal bê lîstin.

Di Lîga Şampiyonan de çar tîm Bayer Muhin, Real Madrid, Atletico Madrid û Chelsea derbasî nîvfînalê bûbûn. Ji bo maçên nîvfînalê li bajarê Niyona Swîsreyê pişke hate kişandin. Du tîmên mezin, tîma alman Bayer Munih û tîma spanyol Real Madrid derketin pêşberî hev. Her du tîmên berendamên mezin ên kûpayê bûn di vê nîvfînalê de dê ji wan yek vegera mala xwe.

Her wiha di pişkeyê de Altetico Madrid û Chelsea jî bûn reqîbên hev. Du tîmên serketîn di fînalê dê dekevin pêşberî hev.

Maçên yekemîn ên nîvfînalê dê di rojên 22-23'yê vê mehê, maçê duyemîn jî di rojên 29-30'ê vê mehê de bêne lîstin û maça fînalê jî roja 24'ê gulanê dê li dar bikeve.

Di Lîga Ewropayê jî reqîb diyar bûn

Ji bo nîvfînala Lîga Ewropayê UEFA jî pişke hate kişandin. Du tîmên spanyol Sevilla û Valenciya bûn reqîbên hev. Li aliyê din tima Portekîzê Benfica û tîma ÎTalyayê Juventus bûn reqîbên hev. Maçên pêşîn ên nîvfînala Kûpaya UEFA'yê dê roja 24'ê avrêlê, maça duyem jî dê roja 1'ê gulanê bê lîstin. Fînala kûpayê 14'ê gulanê li sehaya Juventusê dê li dar bikeve. Ger Juventus bikaribe Benfica têk bibe û derkeve fînalê, di fînalê de wê li mala xwe bilîze.