Diyarname
Li Lîga Almanyayê îro maçên hefteya 30'yemîn li dar ketin. Hê 4 hefte mane ku lîg bi dawî bibe lê Bayer Munîh bû şampiyon jî.
Bayer Munîh roja şemiyê (25'ê mehê) Herta Berlin bi 1-0 têk bir û pûanên xwe derxist 76'an. Îro tîma Wolfsburg du di rêza duyemîn de ye û 61 pûanên wê hene li Monchengladbach bi 1-0 têk çû û bi vê encamê Bayer Munih ji niha de şampiyoniya xwe ragihand. Bi vê yekê bû sê sal ser hev de Bayer Munih dibe şampiyon. Bi giştî bû 25 caran di lîga Almanyayê de dibe şampiyon.
Teknîk Dîrektorê Bayer Munîhê Pep Guardiola ye û ev du sal tîma fûtbolê ligel Guardiola dibe şampiyon.
Bayer Munih di Kûpaya Lîga Şampiyonan de jî rêya xwe didomîne. Maça dawî vê hefteyê li hemberî Porto lîstin; ew bi 6-1 têk birin û derbasî nîv fînalê bûn. Di nîv fînalê de Barselona bû reqîbê wan. Guardiola ku di dema lîstikvaniya xwe de lîstikvanê Barselonayê bû, çend salan bû teknîk dîrektorê Barselonayê jî vê carê dê li dijî Barselonayê ji bo serketina tîma xwe Bayer Munîh bixebite.Maça yekemîn 6'ê gulanê li Barselonayê, maça duyemîn 12'yê gulanê li Almanyayê ye.