Diyarname

Dora duyemîn a hilbijartina ji bo serokomariya KKTC'ê îro li dar ket. Derviş Eroglu û Mustafa Akinci berendam bûn, Akinci bi sedî 60.5 bi ser ket.

Ji bo Serokomariya Komara Tirk a Bakurê Kibrisê (KKTC) roja 19'ê vê mehê hilbijartin li dar ketibû. Di vê hilbijartinê de tu berendamî sedî 50 deng negirtibû û du berendamên herî zêde deng girtibûn derbasî dora duyemîn a hilbijartinê bûn. Di vê dorê de Serokomarê niha Derviş Eroglu û Mustafa Akinci ketin hilbijartinê.

Akinci sedî 60.5 deng girt û bû serokomarê nû. Eroglu di sedî 39.5 de ma.

Akinci piştî serketinê sipasiya her kesê deng dane kir û got ku min soz dabû ezê bi heman nêzîkatî nêzî partiyan bim û ezê vê soza xwe bînim cih jî. Akinci berendamekî serbixwe bû, lê ew xwedî fikra çepgir e.

Akinci di sala 1947'an de li Limasola Kibrisê hatiy edinê. Di sala 1975'an de di nav Meclisa Avakar a Kibrisê de cih girtiye. Di navbera salên 1976-1986'an 3 caran Şaredariya Lefkoşeyê kiriye.

Di sala 2010'an de pirtûka wî ya bi navê "Di Serokatiya Şaredariyê de 14 Sal" hat weşandin. Ew bi îngilîzî dizane, sê zarok, du neviyên wî hene.