Diyarname
Weşanên Evrenselê ji bo Fûara Pirtûkan a Stenbolê amadehî dike û hin pirtûk derxistin. Yek ji wan pirtûka ‘Bi zimanê zanistê kurd’ e.

Fûara Pirtûkan a Stenbolê TUYAP îsal 27'emîn car deriyên xwe vedike. Fûara ku dê di navbera 1-9'ê mehê de vebe diruşma wê ya îsal "1968-40 sal berê, 40 sal paşê" ye û mêvara rûmetê jî nivîskar Furuzan e.
Yek ji weşanxaneyên ku amadehiyeke mezin ji bo fûarê dike jî Weşanên Evrensel Basim e. Evrensel Basimê çend pirtûk bi hev re derxistin û yek ji wan jî pirtûka nivîskar Edîb Polat "Bilim Dilinde Kurtler" (Bi zimanê zanistê kurd) e. Pirtûk li ser flora û faunayên kurdan e.

Pirtûka Polat di beşa "Rêzeya Çand û Dîroka Kurd" de hatiye weşandin. Çapa yekem a pirtûkê di sala 1992'yan de derketibû û bi xwe re gelek nîqaş anîbû; doz lê hatibû vekirin. Dûre Evrenselê di sala 2004'an de, di nav weşanên xwe de ev pirtûk bi awayê berfirehkirî çap kir û niha jî çapa wê ya
Nivîskar Edîb Polat li ser flora û faunayên li ser erdnîgariya kurdan disekine, xebateke zanistî pêşkêş dike. Pirtûk di vî warî de xebateke girîng pêşkêş dike, di heman demê de li hemberî şovenên ku zanistê berevajî dikin jî dibe bersiveke.
"Bilim Dilinde Kurtler" li ser kulîlk û nebatên li ser erdnîgariya kurd, cihên ku ew lê tên, navên wan ên bi latînî, kurdî û tirkî disekine.
Di dawiya pirtûkê de dîtinên zanyaran ên li ser vê beŞê jî hatine pêşkêşkirin.

Pirtûkên din ên ku ji Weşanên Evrenselê derketine:

Nazimê ku nayê zanîn

Nivîskar Ataol Behramoglu li ser helbestvan Nazim Hîkmet pirtûkeke lêkolinî bi navê "Tabû û Efsane: Nazim Hîkmet" amade kiriye. Di pirtûkê de helbestên wî, jiyan û şexsiyeta wî tê lêkolîn kirin û aliyên wî yên ku nayên zanî tê pêşkêş kirin.

Di dema şer de jinên Sovyetê

Pirtûka Svetlana Aleksiyeviç "Nazi Îşgalînde Sovyet Kadinlari (Di dagirtina Nazîyan de jinên Sovyetê)" a bîranîn û biyografiyê li ser jinên Sovyetê yên dema Şerê Cîhanê yê Duyemîn de ye. Di Şerê Cîhanê yê Duyemîn de li hemberî dagirkirina Naziyan nêzî mîlyonekî jinên Sovyekê ku di nav têkoşîn û şer de bûn. Wan jinan tenê birîndar derman nedikirin, di heman demê de çek digirtin û şer dikirin. Pirtûk çîroka van jinan pêşkêşî xwendevanan dike.

Û pirtûkên din:

- Nejat Elibol, “Gelecege Îlk Adim” (Gavek ji bo pêşerojê), roman

- J. D. Bernal, "Tarihte Bilim (Di dîrokê de zanişt)", du cilt, werger: Tonguç Ok

- Aydin Çubukçu, Diyalektik Materyalizm, çapa çarem

- N. A. Nekrasov, “Yalniz Taşlar Aglamıyor", helbest, werger Arif Berberoglu

-  Radi Fiş, “Ben de halimce Bedredinem”, roman, çapa sisêyan, werger: Mazlum Beyhan

***

Bi şertê nîşandayîna çavkaniyê her kes dikare nûçe, nivîs û fotoyên Diyarnameyê bikar bîne. Bêyî nîşandayîna çavkaniyê bikaranîna nûçe, nivîs û fotoyên Diyarnameyê qedexe ye.