Amed

Navenda Pîşedarkirinê ya bi ser Serokatiya Daîreya Karên Civakî ya Şaredariya Bajarê Mezin a Amedê de, ji bo kesên ku xwendin û nivîsandinê nizanin bi kurdî qursa hînbûna xwendin û nivîsandinê dide destpêkirin. Serîlêdan dest pê kirin û dê hefteya yekemîn a 2015'an dest pê bike.

Navenda Pîşedarkirinê li Qada Jiyana Hevpar a Sumerparkê ya girêdayî Şaredariyê Bajarê Mezin e. Ev der dem bi dem xebatan dike; ev xebat carinan dibe hînkirina pîşeyê, ciranan dibe hînkirina ziman. Niha komek xwendekarên ku li vê derê qursa kurdî dibînin hene. Ligel vê yekê dê qursek din jî bê vekirin ku ev yek ji bo kesên bi xwendin û nivîsandinê nînin e.

Dest hefteya yekemîn a 2015'an dê dest pê bike û 3 mehan bidome.

Jin bala xwe didin kursên kurdî

Navenda Pîşedarkirinê her sal li Qada Jiyana Hevpar a Sumerparkê kursên kurdî dide û piranî jin bala xwe didine van kursan. Îsal wekî asta destpêkê û asta 1'emîn qurs hatine vekirin, 31 jê jin 52 xwendekar jê sûdê werdigirin.

Vê heyamê kurs bi ser du polan têne dayîn, mamostetiya wan ji aliyê fêrkarên Kurdî-Dera Amedê ve tê pêkanîn. Di asta destpêkê de 17 jê jin 36 xwendekar perwerde dibin û asta 1'emîn de jî 14 jê jin bi tevayî 16 kes dersa kurdî dibînin.

Qursa kurdî dawiya hefteyê roja şemî û yekşemê tê dayîn û 4 saet e. Qursa ku 15ê sermaweza 2014'an dest pê kiriye dê nîviya reşemiya 2015'an bi dawî bibe.