Diyarname
Hunermend Brader Musîkî di kêliya ku li Balafirgeha Ataturk a Stenbolê ji balafirê daket hat binçavkirin.

Li gor agahiyên ku me xwediyê Aydin Muzîkê Nurettin Kaban girtin saet li dor 16'an li Stenbolê di dema ku Brader ji balafirê daketiye ji ber ku der barê wî de biryara tewqîfkirnê hebû hatiye binçavkirin.
Niha Brader Musîkî li qereqola balafirgehê di bin çavan de ye û sibê dê derxin pêşberî dozger.
Brader Musîkî dema hemwelatiyê Tirkiyeyê bû navê wî Mehmet Şerif Torun bû, lê ew bi salan e li Ewropayê dijî û niha hemwelatiyê Hollandayê ye.
6'emîn Dadgeha Cezaya Giran a Amedê der barê Brader Musîkî de biryara tewqîfkirinê girtiye û Musîkî ji ber vê yekê hatiye binçavkirin. Hê baş nayê zanîn dadgehê çima biryara tewqîfkirina Brader Musîkî daye lê tê texmînkirin ku ew yan ji ber beşdariya festîvala Amedê a par yan jî ji ber konserên ku daye. Sibê dê diyar bibe ku ka dê Brader Musîkî berdin an na.

Hunermend Brader heta niha 8 albumên wî ji Aydin Muzîkê yek jê ji Çağdaş Muzîk û yek jî ji Dersan Muzîkê derketiye. Ji Aydin Muzîkê heta niha albumên Brader bi navê "Maçek bide min", "Rengvano", "Xeftvano", "Siwiro", "Evdalê zeynikê", "Pepûlê", "Çemê reynê", "Harûnê min" derketin. Brader Musîkî ku bi deng û muzîka xwe di nav dilê guhdarên kurdî de ji xwe re ciheke taybet veqetandiye, di heman demê de lîstikvaniya şanoyê jî dike.

***

Hevpeyvîneke bi Brader Musîkî re: Brader: Album amade ye lê...

***

Bi şertê nîşandayîna çavkaniyê her kes dikare nûçe, nivîs û fotoyên Diyarnameyê bikar bîne. Bêyî nîşandayîna çavkaniyê bikaranîna nûçe, nivîs û fotoyên Diyarnameyê qedexe ye.