Fîrmaya mucewheran a alman Montblanc ji bo ku Tuba Buyukustun bibe rûyê wan ê reklamê 1.6 mîlyon dolar da.

Li gor nûçeya rojnameya Vatanê Montblancê ji bo transferkirina lîstikvana delal Tuba Buyukustun mîlyonek û 600 hezar dolar pere daye.
 
Tuba Buyukustun pêşî di rêzefîlmên "Ihlamurlar Altinda" de lîst, fîlm li Tirkiyeyê jê hat hezkirin û dûre li welatên ereb rêzefîlm hat nîşandayîn. Li welatên ereb zêdetir ji rêzefîlm hez kirin. Di rewşeke wisa de fîrmaya alman Montblac û fîrmaya îngilîz Burberry ji bo ku Buyukustun bikin rûyê marqeya xwe ya reklamê dest avêtin bêrîkê.

Li gor nûçeyê Buyukustun di meha gulanê de li Dubai bi Midûrê Giştî yê Montblancê Doris Rain re rû bi rû xeber da û li hev kirin.
Rain wisa got: "Me wekî we rûyekî nedîtiye. Bêestetîk û gelek xweşik." Dûre tevî mucewheran bi Buyukustun re hin prova hatin kirin.

Digel mîlyonek û 600 hezar dolarî, Buyukustun dê ji reklam û fîlmên nasandinê jî parê bigire. Reklam û filmên nasandina marqeyê dê li 22 welatên ereb bêne nîşandayîn.

Tuba Buyukustun di 5'ê tîrmeha 1982'yan de li Stenbolê hatiye dinê û bi estê xwe ji Erzeromê ye. Buyukustun di dema ku zanîngeh dixwend di fîlmên reklaman de lîst, piştî ku bi derhêner Tomris Giritlioglu re hev nas kir rê li ber vebû.

Buyukusun bi rêzefîlmê "Çemberimde Gul Oya" ê Çagan Irmak ku li ser serdema berî 12'yê Rezberê bû bi rola Zarîfe derket pêş. Dûre di sala 2005'an de rêzefîlmê "Ihlamurlar Altinda" rêya wî dirêj kir û di rêzefîlmê "Asî" de jî navdarbûna wê derket lûtkeya jorîn.

Hin fîlmên û rêzefîlmên ku ew têde lîstiye/dilîze:
- Asi (2007 - Rêzefîlm)
- Sinav (2006 - Fîlmê sînemayê)
- Aşk Yolu (2005 - Fîlmê TVî)
- Ihlamurlar Altinda (2005 - Rêzefîlm)
- Babam ve Oglum (2005 - Fîlmê Sînemayê)
- Çemberimde Gul Oya (2004 - Rêzefîlm)
- Gulizar (2004 - Fîlmê TV'î)
- Sultan Makami (2004 -Rêzefîlm)

Vatan - Diyarname