Diyarname
KNK'ê 13'emîn Civîna Lijneya Xwe ya Giştî li dar xist û rêveberiyeke nû hilbijart.

Li paytexta Belçîka Brukselê, dawiya vê hefteyê 13'yemîn Civata Giştî ya Kongreya Netewî ya Kurdistanê (KNK) li dar ket. Kongre bi beşdariya nûnerên gelek rêxistin û partiyên ji her çar parçeyên Kurdistanê û nêzî 200 delegeyan pêk hat û xebatên KNK'ê hatin nirxandin.

Di kongreyê de biryar hat dayîn, ku ji bo Rêberê Gelê Kurd Abdullah Ocalan ji xelata Aştiyê ya Nobelê re namzet were nîşandan komîsyonek hat avakirin. Her wiha pergala KNK'ê jî hat guhuertin û yek jê jin û yek mêr pergala Hevserokatiyê hat pejirandin.

KNK'ê rêveberiya xwe jî nû kir. Di encama hilbijartinê de Nîlufer Koç û Tahîr Kemaîlzade bûn Hevserokên KNK'ê û ji bo Konseya Rêveber jî ev kes hatin hilbijartin: Zubeyîr Aydar, Adem Ûzûn, Rojan Hazim, Dilşah Osman, George Aryo, Songul Karabûlût, Rodî Melek, Soroûer Kemanger, Refîq Gafûr, Nîzamettîn Togûç, Medenî Ferho, Nadya Mozirî û Behzat Pîrmûsa.

Ji bo endamên cîgir ên Konseyê jî Semîra Abdullah, Bengî Haco, Şhala Hefît hatin hilbijartin.
Di komîteya huqûqê ya KNK'ê de jî, Nasir Resûlî, Xalid Ezîzoglû, Jahla Mihemed, Ahmet Karamûs, Ferîde Mamo cih girtin.

Di kongreyê de her weha bang li Fransayê hat kirin, ku endamê wan ê Konseya Rêveber Adem Ûzûn serbest berde.

Di deklarasyona kongreyê de hat destnîşankirin, ku divê mafê diyarkirina çarenûsa Kurdistanê bê dayîn.

Her wiha deklarasyona kongreyê bal kişand ser pêvajoya çareseriyê û bang li dewleta Tirkiyê kir, ku hemû mafên gelê kurd ên demokratîk û rewa nas bike, di serî de Rêberê PKK'ê Abdullah Ocalan, hemû girtiyên siyasî serbest berde.

Civata Giştî ya KNK'ê her wiha bang li DYA, YE, NY û Rusyayê kir ku ji bo bidestxistina mafên gelê kurd, piştgiriyê bidin û bi hestiyarî tevbigerin.