Amed
Qeymeqamê Kayapinara Amedê navê Navenda Çanda Ciwanan A Cegerxwîn û navên 19 parkên ku Meclisa Şaredariya Kayapinarê nav li wan kiribû qedexe kirin.

Navenda Çanda Ciwanan a Cegerxwîn çar sal berê hate vekirin. Navendê heta niha di gelek warên hunerê de xebat kirine. Meclisa Şaredariya Kayapinara Amedê di 04.02.2009'an de biryar girtibû ku navê Cegerxwîn li navendê bike. Her wiha meclisê biryar girtibû û navên cur bi cur li 19 parkên li nav sînorê Kayapinarê kiribû.

Niha Qeymeqamiya Kayapinara Amedê ji ber "Navê Cegerxwîn di nav ferhenga Saziya Zimanê Tirk de nîn e" ev nav qedexe kir. Qeymeqamiyê di heman demê de navê parkan jî betal kir. Li hemberî qedexeyê Meclisa Şaredariyê serî li Dadgeha Bilind da.

Qeymeqamî di destpêkê de ev navê Cegerxwîn qebû hekiribû û ji Meclisa Şaredarî xwestibû navê biguherîne. Lê meclisê di 11.09.2009'an de careke din biryar girt û ev nav li navendê kir.
Piştî vê letê qeymeqamî serî li 1'emîn Dadgeha Îdarî dabû û xwestibû nav bê qedexekirin. Dadgehê jî ji Serokatiya Saziya Zimanê Kurdî (TDK) rewşa nav pirsî bû. Saziyê di 23'yê gulana 2011'an de ragihand dadgehê ku 'Cegerxwîn' ne bi tirkî ye, di nav Ferhenga Saziya Zimanê TirKî de jî nîn e, li gor zimanekî biyanî ye, lewma ev nav nabe li Navenda Çandê bê kirin.

Di dawiyê de dadgehê li ser gotina TDK'ê biryara qedexekirina navê Cegerxwîn dabû. Niha parêzerên şaredariyê biryar dane ku dê dozê heta Daniştay (Dadgeha Bilnd) bibin.

Qeymeqamî digel navê Cegerxwîn ev navên parkan jî qedexe kirine: Parka Zembîlroş, Parka 33 Gule, Parka Derwêşê Evdî, Parka Nefel, Parka  Daraşîn, Parka Bêzar, Parka  Ciwan, Parka Sosin, Parka Jiyanên Azad, Parka Aştî, Parka Yek Gulan, Parka Beybûn, Parka Şîlan, Parka Roşna, Parka Rojbîn, Parka Rojda, Parka Berfîn û Parka Roşan.