Diyarname
Kovara Hawara Botan hê di hejmara xwe yekemîn de rastî gelek zehmetiyan tê. Pêşî edîtorê wê hat girtin, niha jî kovar berhev kirin.

Kovara bi navê Hawara Botan ku 7 ciwan hatibû ba hev û derxistibûn ji aliyê dadgehê ve ji ber peyvên "Kurdistan" û "Gerîlla" hat berhevkirin. Dadgehê serî li îfadeyen berpirsê kovarê Mesut Candoruk jî da.

Hawara Botan wekî kovareke du mehane hejmara xwe ya yekemîn ji bo meha rezber-kewçêrê derxist û ji bo hejmara duyemîn amade dikir. Lê Dageha Sulh Ceza ya Cizîrê kovar berhev kir û îfadeya yek ji nivîskarên kovarê Muset Candoruk girt.
Dadgehê ji bo berhevkirinê wekî sedem jî "propogandaya rêxistinê" nîşan da.
Di kovarê beşa pirs û bersivan de, ji bo nasandina bajar û çiyayên kurdan beşeke hatibû vekirin û têde peyva "Kurdistan" derbas dibû. Her wiha di çîrokeke ku hatibû weşandin de peyva gerîla derbas dibû. Dozgeriyê ev her du wekî sedema berhevkirina kovarê nîşan da.
Kovara Hawara Botan wekî navnîşana xwe jî Hawar Kitap Cafe nîşan dabû. Polîs çûn wê derê kovar berhev kirin. Xwediyê Hawar Kitap Cafe Mesut Candoruk ku di heman demê de yek ji nivîskarê kovarê de dozgeriyê îfadeya wî girt. Di rojên pêş de dê diyar bibe der barê berpirsên kovarê de doz bê vekirin yan na.
Her wiha edîtorê kovarê Mîrza Ronî dema ku kovar hê şandibû çapxaneyê ji ber "doza KCK'ê" hatibû girtin.

 ***

Nûçeya eleqedar: