STENBOL
Bi hezaran kes ji bo nivîskarê rojnameya Postayê Candaş Tolga Işik yê di nivîsên xwe de heqaretên giran li kurdar kir protesto bikin roja 30'ê mehê li ber avahiya Postayê hatin ba hev.
Girseyê, bi diruşmên ‘Candaşê bêşeref’, ‘Postaya pornokar’ hewl da bikeve hundirê avahiya rojnameya Postayê. Li ser vê yekê di navbera girse û polîsan de tevlihevî û rageşî derket.

Bi bangewaziya Federasyona Komeleyên Başurrojhilatê Anatolyayê ji bo protestokirina Candaş Tolga Işikê girêdayî Grûba Çapemeniyê ya Dogan ku di nivîsa xwe ya rojnameya navborî de heqaretên mezin û giran li kurdan kiribû, bi hezaran kes li ber avahiya Postayê ya Îkîtelliyê kom bûn.

Parlamenterê BDP’ê yê Batmanê Bengî Yildiz, Hevserokbajarê BDP’ê yê Stenbolê Mûstafa Avci, Serokê Federasyona Komeleyên Başurrojhilatê Abdulhakîm Daş jî tevlî çalakiyê bûn.

Girseya ku li ber avahiya rojnameyê kom bû û hewl da bikeve avahiyê, dowîzên wekî ‘Edî bes e’, ‘Candaşê bêşeref’, ‘Postaya pornoger’, ‘Zimandirêjiya pîroziyên min meke’, ‘Te ji malbata xwe wiha dîtî Candaş?’, ‘Baqil be û sebra me nemaye’ hilgirtine û dirûşmên wekî ‘Candaşê bêşeref îstîfa’ û ‘Postaya porneger’ berz dikin.

**

Nûçeya eleqedar:

- Der barê nivîskarê Postayê de lêpirsîn