Stenbolê
ÎHD ji bo bûyera kuştina du kurdan a li Atinovayê zelal bike komîsyoneke ava kir û dê bişîne bajarokê.

Komeleya Mafên Mirovan (ÎHD), ji bo lêkolînkirina bûyerên li Bajaroka Altinova ya Navçeya Ayvalik a Balikesîrê di navbera malbatek kurd û şêniyên navçeyê de derket û 2 kesan jiyana xwe ji dest da, heyetekê dişîne bajarokê.

Heyet ÎHD'ê, wê îro biçe Altinovayê ku li dijî kurdan hewldana lîncê pêk hat û dest bi lêkolînan bike. Çav li rê ye ku heyeta ji Endamê Lijneya Birêveberiya Navendî ya ÎHD'ê Veysî Altay, Nûnerê Herêmê Haşîm Uslu, Serokê Şaxa ÎHD'ê ya Balikesîrê Kemal Teke û Endamê Lijneya Birêveberiya Şaxa ÎHD'ê ya Stenbolê Veysel Bolcal pêk tê, piştî lêkolînên xwe raporekê amade bike û ji raya giştî re aşkera bike.