...Ev nûçe tê nûkirin...

ENCAMÊN 14 BAJARÊN KURDAN
Li gor ANKA'yê li 14 bajarên kurdan berendam Kemal Kiliçdaroglu li pêş e. ANKA'yê ev dane belav kirin:

- Agirî: %64.9

- Amed: %71.76

- Batman: %68.15

- Bedlîs: %50.58

- Culemêrg: %72.52

- Dêrsim: %82.82

- Erdexan: %57.68

- Îdir: %67.26

- Mêrdîn: %65.81

- Mûş: %58.81

- Qers: %56.35

- Sêrt: %55.75

- Şirnex: %76.37

- Wan: %61.47

20.00: ENCAMÊN NÛ

Li gor AA'yê

Erdogan sedî: 52,14

KK sedî: 47,86

Li gor ANKA'yê

Erdogan sedî: 51,84 

KK sedî: 48,16

 19.25

Serokê YSK'ê Ahmet Yener:

Li gor vê kêliyê 26.781, 551 hatine jimartin. Sedî 54.60 hatine jimartin. Dane li pergalê têne barkirin. Em van daneyan li partiyên siyasî parve  dikin.

Erdogan 54.47, Kiliçdaroglu 45.53 deng girtiye.

19.00: ENCAMÊN NÛ

- Li dor sedî 50 deng hatine jimartin. 

Li gor ANKA'yê

KK sedî: 50.01

Erdogan sedî: 49.99

Li gor AA'yê

Erdogan sedî: 53.41

KK sedî: 46.59

18.15
Qedexe rabû: Kiliçdaroglu li pêş e

Li gor saet 18.15'an YSK'ê qedexe rakir. Li gor ANKA'yê Kiliçdaroglu sedî  50,92, Erdogan di edî 49,08 re ye.
AA radigihîne ku Erdogan bi sedî 57 li pêş e.
Li Amedê Kiliçdaroglu sedî 69.75 Kiliçdaroglu li pêş e.

Serokê YSK'ê Ahmet Yener eşkere kir ku wan qedexe rakiriye, ajans dikarin agahiyan bilav bikin.

18.00

Li gor vê deqîqeyê sedî 15 sindoq hatine vekirin û jimartin temam bûye. Berendamekî sedî 1 li pêş dixuye. Gelek bi lez deng têne jimartin.

17.50

Saet li gor 17.50 sedî 11.6 sindoq hatine vekirin. Berendamek sedî 1 li pêş e. 

17.15

Serokê YSK'ê: Tu pirsgirêk derneketine 

Serokê Lijneya Bilind a Hilbijartinê (YSK) Ahmet Yener piştî dawîlêhatina dengdanê derket pêş kamerayan û got, "Dengdan bi dawî bûye. Heta niha tu pirsgirêk derneketiye."

17.00

Dengdan temam bû, sindoq hatin girtin

Dengadan ku serê sibê saet 08'an de dest pê kiribû saet 17.00 temam bû. Niha peywirdarên sindoqan dê dengan bijmêrin.

Heta saet 21.00 eşkerekirina agahiyan qedexe ye. YSK dikare vê ber bi jêr ve bikişîne. Di hilbijartinên din de saet dor 19'an biryara serbestî dabû, di hilbijartina 14'ê gulanê de saet 18.30 de qedexe rakiribû.
Li Tirkiyeyê li cem 191 hezarî zêdetir sindoqan dengdan çêbû.

Kaftancioglu bang kir

Seroka CHP'ya Stenbolê Canan Kaftancioglu daxuyaniyeke kurt da çapemeniyê û got, "Hemwelatiyên me yên ku dengê xwe nedane bila herin bidin, yên dane jî banga min ji bo wan ew e niha dem dema xwedîlêderketina dengan e."

Êrîşê heyeta ku Ferit Şenyaşar jî têde bû kirin

Li gundê Yenîkoy a Haliliye ya Rihayê naheştin muşahidên Yeşîl Sol Partî deng bidin. Li ser vê yekê heyetek ji Yeşîl Sol Partî çû cihê bûyerê. Di nav heyetê de mebûsê  Yeşil Sol Parti Ferit Şenyaşar, Hevserokên HDP'ya Rihayê Ahmet Atiş û Garibe Yeşil, Hevserokê DBP'ê Vahit Akgun, ji Baroya Rihayê parêzer hebbûn. Hin kesan bi keviran êrîşê heyetê kir.

Hin kesên ji cihê bûyerê dûr ketine dibêjin dengê çekan jî hat.
Di vê êrîşê de kameraya nûçegîhanê Ajansa Mezopotamyayê hat kişandin.

Êrîşê nûçegîhana Dokez8Haberê kirin

Li Kagithaneya Stenbolê li Dibistana Ahmet Cuhadaroglu rayedarê AKP'ê yê dibistanê erîşê nûçegîhana Dokuz8 Haber Fatoş Erdogan kir, porê wê kişand.

ERZEROM
Li Xorasana Erzeromê AKP'yiyan peywirdar tehdîd kirin

Mebusa Yeşîl Sol Partî Meral Daniş Beştaş bi ser hesabê xwe re eşkere kir ku Şaredarê Xoresane yê AKP'yî ligel partiyên xwe bi ser peywirdarên sindoqan de meşiyane, bi gotin ew tehdîrdr kirine.

Beştaş got, "Gotine xwediyê Xoresanê hene. Hûn ne xwediyê Xoresanê, ne jî xwediyê Tirkiyeyê ne. Emê sindoqan ji bo we nehêlin."

16.30

Li Rihayê çi diqewime?

Mebûsê HDP'ê Omer Faruk Gergerlioglu bi ser hesabê xwe yê twitterê "Tûtatanek" ku encama sindoqê têde heye belav kir û got, "Hê saet nebûye 17.00 li Rihayê deng hatine jimartin jî!!!" 

15.30

BATMAN

Li navenda Batmanê li Liseya Turk Telekom Anadolu 'tûtanak'ên vala ku hatine îmzekirin hatin dîtin. Li ser vê gelek bertek hatin. Piştî bertekan ew hatin şewitandin. Li heman dibistanê li sindoqa bi nimreay 1314'an kesek bê nasname deng da.

15.15

STENBOL

Rêxistina HDP ya Kadikoya Stenbolê bi ser twitterê re eşkere kir ku li aliyê Sûadiyeya Bostanci li dibistanan komek ulkucu (nijadperest) hene û dixwazin provakasyonê çêbikin. HDP got ku ew dê xwedî li sindoqan derên.
Li Dibistana Mualla Selcanoglu ya Kadikoyê AKP û MHP'yî êrîşê însanan dikin, dixwazin wan bitirsînin.

13.00

Serokên partiyan deng dan

Hevserokê HDP'ê Mithat Sancar li Ayten Şaban Diri İlkokulu

ya Çankayaya Enqereyê ligel jina xwe deng da û got, "Miheqeq herin cem sindoqê û deng bidin."

Serokê AKP'ê û Berendamê Îtîfaqa Komarê Recep Tayyip Erdogan li Uskudara Stenbolê ligel jina xwe Emine Erdogan deng da.

Serokê CHP'ê û Berendamê Îtîfaqa Milet Kemal Kilicdaroglu ligel jina xwe Selvi Kiliçdaroglu li Dibistana Arjantîn a Enqereyê dengê xwe da.
Seroka ÎYÎ Partî Meral Akşener li Uskudara Stenbolê, li Haci Sabanci Anadolu Lisesi deng da.
Seroke Huda-Parê Zekeriya Yazicioglu piştî çû deng da û hat ber sindoqê, zerfê wî ji dest derket, hat dîtin ku wî deng daye Îtîfaqê Komarê Recep Tayyip Erdogan. Wê kêliyê kamera di qeydê de bûn.

MÊRDÎN

Li Mêrdinê hin cerdevanan xwest bi awayekî eşkere deng bide. Muşahidan mudexele kir. Li ser vê cerdevanan erîşê muşahidan kir.

CIZÎR
Li Cizîrê li bexçeyên dibistanan erebeyên bê plaka hatin dîtin. Li ser îtîraza muxahidên Yeşîl Sol Parti erebe ji bexçeyê hatin derxistin.

11.30

Li Balikesîrê Diyanetê deng anîn

Li gor hesabê tora civakî "Seçîm Îhlalî 2023" li Balikesira Tirkiyeyê li Şehit Pilot Usteğmen Erdem Mut Ortaokulu erebeya girêdayî Weqfa Diyanetê pisûla û zerf anîn dibistanê, peywirdarên sindoqan hişyar bû, ew asteng kirin. Hat ragihandin ku li hemberî tiştên wisa hişyar bin. 

11.20 

Li Sêrtê "zêdetir" hilbijêr derketin holê

Li Halide Kutlualp İlkogretim Okulu ya Sêrtê di sindoqa bi nimreya 1177'an 

65 hilbijêrên "derveyî qeydan" hatin dîtin. 

11.10

Li Rihayê êrîşê mebûsê CHP'ê kirin

Li taxa Karaali ya Eyyubiye ya Rihayê mêran dixwest ji dêvla jinan dengan bide. CHP ku ev bi hev re dendan diyar kir mebûsê xwe Ali Şeker şand wir. Li cihê Bûyerê Şeker rastî êrîşê hat. Şekerê ku hişyarî da ku divê jin bi tena serê xwe herin cihê dengdanê, rastî êrîşa 15-20 kesî hat. Êrîşkaran ji pozê Şeker xwîn anîn.

Endama Komîsyona Hikûqê ya Rêxistina Rihayê ya CHP'ê parêzer Ronahi Paydaş ji ser hesabê xwe Yê tora civakî re bûyer belav kir û got, "Niha ewlehiya canê me tune ye. Ji bo em gilî bikin em diçin navçeyê." 

11.00 

Polîs li Mêrdînê dixebite

Li gor nûçeya MA'yê li Artuklu, Rişmil, Nibêsîn û Qosera Mêrdînê polîs sindoq bi sindoq digere û dipirse ka muşahidên AKP'ê hene yan na. Li sindoqên ku muşahid nîn in, hat dîtin ku polîsan ji derve muşahid anîn wê derê. Li gor nûçeyên erebeyên xirzî yên polîsan jî li bexçeyên dibistanan in.

08.00

Diyarname

Li Tirkiyeyê hilbijartina serokomarî ku di dora yekemîn de serketî diyar nebûbû û derbasî dora diduyan bû, vê sibê dest pê kir.

Ji bo dora diduyan serê sibê saet 08'an de li bajarên Tirkiyeyê û li bajarên Bakur dengdanê dest pê kir. Dengdên bi nasnamyên xwe yên fermî, bêyî kaxizê dengdanê hebe dikarin herin cihê dengdanê û dingê xwe bidin,, lê divê bizanibin dengê wan li kîjan sindoqê ye. Dengdan ber êvarkî saet 17.00'an de dê bi dawî bibe.

Li  dor 191 hezar sindoq têne danîn. Heta saet 21.00'an hemû propaganda,, belavkirina agahiyan qedexe ye. YSK (Lijneya Bilind a Hilbijartinê) dikare berî vê saetê belavkirina agahiyan serbest bike.

DENGEN DERVEYÎ TIRKIYEYÊ

Ji derveyî Tirkiyeyê 3.5 mîlyon hilbijêr hene. Wan li 73 welatan deng dan. Lê ji bo yên derveyî Tirkiyeyê jî îro heta saet 17'an li deriyên gumrikan dengdan didome. Li gor YSK'ê heta niha dor 2 mîlyon kesî li derveyî Tirkiyeyê deng dane. Û ew deng anîne Enqereyê, li Lijneya Hilbijartinê ya Navçeya Derveyî Welat ku li Navenda Kongre ya ATO'yê ya Enqreyê ye diparêzin. Bi bidawîbûna dengdanê re ew jî dê bêne jimartin.

BERENDA

Di dengdana yekemîn de berendamê Îtîaqa Komarê Recep Tayyip Erdogan bi sedî 49.52'yan (27.133.937 den) bûbû yekemîn. Berendamê Îtîfaqa Milet Kemal Kiliçdaroglu bi sedî 44.88'an (24.594.932 den) bûbû duyemîn. Sinan Ogan bi sedî 5.17'an (2.831.208 deng) bûbû sêyemîn. Muharrem İnceyê ku berî hilbijartinê vekeşiyabû, lê wê çaxê ji derveyî Tirkiyeyê deng hatibûn dayîn jî, 0,43 (236.097 deng) bo wî hatiye nivîsîn. Her du berendamên zêde deng girtine Erdogan û Kiliçdaroglu derbasî dora diduyan bûn. Îro ji wan yek dê bê hilbijartin.