Diyarname

14'ê gulanê li Tirkiyeyê ji bo Serokomarî û ji bo serdema 28'emîn e mebûsiyê hilbijartin hene. Hûnê çawa bikin? Va ne pirs û bersiv:

1- Saet çendan de dengdan dest pê dike?

Li her derê saet 08'an de dengdan dest pê dike û saet 17.00'an de bi dawî dibe. Saet 17'an de ger kesên hê di rêzê de hebin, serokê lijneya sindoqê hilbijêran dijmêre, nasnameya wan digire û wan dixe rêzê.

2- Deng çawa betal dibe?

Li bin logoyê, yan jî bin fotoyê berendam xelekek heye. Mohra ku li ser "Erê" yan jî "Neqandin" nivîsandî li wir dixin. Li cihek din bixin ew deng nayê hesibandin. Yan jî di pisûlayê de xizek, nivîsek, tiştek din hebe, ew deng betal dibe. Berî her tiştî dema we pisûla ji berpirsên sindoqê girt, kontrol bikin têde xêzek, tiştek hebe, biguherînin.

3- Pisûla çawa tê qatkirin?

We muhr li ku da, divê ew der li derve bimîne, bi avî awayî qat bikin. Yan na, îhtîmal e muhra we biçe ser xalek din jî. Ku muhr li du cihan be ew deng vala diçe.

4- Kaxizê hilbijêrî tune be dibe?

Ji bo kesên dengê didin kaxizê hilbijartinê tê şandin. Ger kaxizê we nehatibe, yan jî li cem we tune be çawa dibe? Ger navê we qeydkirî be, hûn bizanibin hûn li kîjan dibistanê, li kîjan sindoqê deng didin, kaxiz tune be jî dibe. Bila nasnameya miheqeq li cem we be. Dîsa hûn dikarin bi ser malpera YSK'ê re (Ji E-devletê jî dibe) binêrin ka hûn li ku deng didin.

5- Em dikarin li jimartinê temaşe bikin?

Erê. Piştî dengdan xilas dibe, lijneya sindoqê dengdan dijmêre. Hilbijêrên bixwazin dikarin herin li jimartina dengdanê temaşe bikin.