Va tûtê merdimêke bîbî û her game babê xo ra vatê:
- "Ti mi ra hez nêkenê."
Babî se kerdê, çi vatê fêde nêdayne. Tût her serê xeberey xo de bî. Roj şî, aşmî hamî, serî qediyay tût bî pîl, hame emrê zewacî.
Babî wişt we, tûtî rê keyna waşte, dawete kerde û ew zewecna. Henî dem sera derbas bî, tûtî cêrê tût bî. Hendî ew bab bî, bab jî bîbî kalik. La tûtê cê reyna ew tût bî, reyna vatê ti mi ra hez nêkenê û ji juy xo niyameyne war.
Rocêke varan vara, babî tûtî ra va:
- Şo bangranî biçarnayne wa keye dalpey nêkero.
Tût şî serê banî, bangranî çarna, babî jî şî zere. Babî zere ra tûtê ê, yanê nevî xo girot û ard binê baranî.
Tûtê cê ke serê banî ra ene jo vîna, hêrs bî, veynda babê xo: "Baba, ti bî gêj to tût ardo binê varanî? Leze bere zere."
Babî tût berd zerede na ro û hame. Va:
- To vatê ez tora hez nêkena nê? Bawne min tûtê to ard binê varanî ti çawey hêrs bî? Bawne bab tûtê xo ra çawey hez keno? Ha, ez jî eynî ana tora hez kena. To enka fam kerd babê ke çiqas tûtê xo ra hez keno?"
Hendî a roc ra pey tûtî hendî qe nêva baba ti min ra hez nêkenê. Hendî ê zî fam kerd bî babî çiqa tûtan ra hez kenê...
.jpg)
