Ji aliyê AKP'ê ve gelek gotin hatin kirin.
Wisa hatin gotin, "PYD terorîst e", "PYD ji DAIŞ'ê bi talûketir e".
Wekî din?
Ma hewceye em qala "AKP ji desthilatdarî here dê Torosên Spî bên" bikin?
Ne hewceye em qala kurdên bi pişt erebeyên zirxî ve hatin girêdan û bi erdê ve hatin kişandin bikin.
Ne hewceye em qala du karkerên firinê ku li Agirî hatin kuştin bikin; sivîlên li Cizîr, Farqînê hatin kuştin bikin.
Em qala bombeyên li Amedê, Pirsûsê, Enqereyê teqiyan nakin. Em qala Hemdullahê Oge yê ajokarê erebeya HDP'ê yê li Çewligê hat kuştin nakin...
Hema emê çend gotinên hin berendamên AKP'ê yên li bajarên kurdan bikin bes e...
Binêrin ev gotinên wan in, de êdî hûn dengên xwe didin yan nadin hûn dizanin...
Mehmet Galip ENSARİOGLU (Berendamê Mebûsî yê AKP'ê yê Amedê). Dema li Roboskî komkujî çêbû, 34 gundiyên kurd bi bombeyên balafirên şer ên dewleta Tirkiyeyê hatin kuştin Ensarioglu li meclisê mebûs bû. Li ber kursiya meclisê got partiya me li ser meseleyê disekine, ew dû ber nade, ewê Dobroskî (yanê meseleya "Te çi navê min safî kir, dora navê bavê min e) çareser bike.
Bi ser Roboskî re, yanê "Dobroskiya" Ensarioglu re 4 sal derbas bûn, ne Ensarioglu ji kesî hesab pirsî, ne jî partiya wî. Û niha ew dengan ji kurdan dixwazin...
Yasin Aktay (Berendamê Mebûsî yê AKP'ê yê Sêrtê): Di xebatên hilbijartina 7'ê pûşperê de li pêşberî gel got "Eyb e mirov bibêje kurd"...
Ma wekî din pêdivî bi gotinê heye.
Beşir Atalay (Berendamê Mebûsî yê AKP'ê yê Wanê). Di sala 2009'an de di bin navê "Operasyonên KCK'ê" de bi hezaran kurd, ku têde siyasetmedar, şaredar jî hebûn hatin girtin. Atalay wê demê wisa parastibû ev operasyon: "Me her kêliya vê meseleyê pîva, em wisa tevgeriyan." Yanê nêzî 10 hezar siyasetmedarên kurd wisa hatin girtin ku li mala wan kêrek jî henatibû dîtin. Ew di navbera 2007-2011'an de Wezîrê Karên Hundir bû û wê demê kurd hatin kuştin, bêyî ku heta niha kujerên wan bêne dîtin. Mînak Ceylan Onkola 13 salî li Licê (28.09.2009) hat kuştin
Orhan Miroğlu (Berendamê Mebûsî yê AKP'ê yê Mêrdînê). Wî jî di dema van operasyonan de piştgirî da operasyonan û diyar kir ku ew operasyon mafdar in. Di hevpeyvîna ku ji bo Yeni Şafakê kir de wisa digot; "Baş bû ku ew operasyon hatin kirin."
Mehmet Şimşekê ku dibêje tevgera kurd zilmê li kurdan dike, (12.10.2015, Sabah), Cevdet Yilmazê ku dibêje "Ji bo pêşî li HDP'ê bigirin HDP derxistine, HDP partiya projeyek e" û yên din....
Ma hewce dike mirov dirêj bike.
We got çi?
1'ê Sermawezê, roja dengdanê tê.
Dema hûn çûn ber sindoqê guh bidin dengê dilê xwe. Dengî we ber bi ku ve bir, ber bi wir ve herin. Her kes bi xêr û guneyên xwe ye...
.jpg)
.jpg)
