yên ku diçin ji ku ne, yên ku tên ji ku?
û tu ji ku yî, ev ji ku ye, ez ji ku me?
xerîbê vir im ez, an bi vir xerîb im?
ji axekê me eseh ez jî wekî her kesî
wekî her darê, her geyayî, her teyrî…
Dara Dernixûm* im li vî bajarî; rayên min ber bi ezman ve
her mirov dareke dernixûm e, ku qut bûbe ji axa xwe.
dar li ezmanan şîn nabin Xweda, çengek ax bi min de!
çengek ax bi min de; hêsrên geda neniqutîbin li ser!
çengek ax bi min de; gur û mî destbira bin li ser!
çengek ax bi min de; xalî ji dagirkeran, ji talankeran xalî
û bêrî ji her gunehî… welatekî:
ez û hezkiriyên xwe li ser!
*Dara Dernixûm: Li bajarê Uppsala yê Siwêdê, li Dêra Domkyrka
navê peykerekî hesînî yê darekê ye
27/09/08-Amed
Bi hestên herî pak Cejna Remezanê li nivîskar, xwîner, xwedî û reveberên Diyarnameyê pîroz dikim.
Bi hêviya pîroztirîn cejnên neteweyî, olî li ser axeke azad, di nava civateke haş û aram de…
.jpg)
.jpg)
