DiyarName.Com

HELEBÇE

Dîrok: 17/03/2012

Ne ewr bûne, dibêjin,
Diranên marên korbûne dilop!..
Mirin, te ji me, paca çi hilgirt!
Tu, hê jî, li destên bihine digerî,
Li dilên piçûk,
Li jinên bi tîna mirazan distewin...
Ew, kî bû, rahiştibû temeziya ji jahrê?
Bi govenda meytên sar şadibû!
Kî, bi diranan, hêlkana miriyên Adarê dihejand!
Û jar vedirişiya,
Maçên zarokan, di axa sar de vedişart ?

17.03.2001, Piştî hêsrên Berzan ...

cihanacirokan@hotmail.com

Hin Nivîsen Nivîskar

Edebiyata Kafkasê, kurdên êzîdî û “xwedîlêderketin”

15 Berfanbar 2015

Têgeha “xwedîlêderketinê” her tim ez aciz kirime lewre heke hûn xwedîlêderkevin hûn hêz in, hûn desthilat in yên li hemberî we bêhêz...

Hêviyên ji roman û romanûsan û bîrxistinên belawela

26 Kewçêr 2019

1Heke meriv li jêderk û geşedanên romanê bifikire, pênaseya romanê bi bîr bixe ê gelek bersivên pirsên bikevin vê nivîsê werin dayîn. Roman...

KA WIJDAN!

07 Tebax 2013

120 heb zarok, 350 jin, kal û pîr beriya Cejna Remezanê ji alî “Mucahîdan”! ve têne qetilkirin ku bikuj qaşo di nav “Artêşa Azad a Sûrî” de...

Cîhan ROJ kî ye?

Cîhan Roj, di sala 1965'an de, (di qeyda fermî de 1964) li gundê Înaqa Gimgimê ji dayik bûye. Dibistana seretayî li gund, ya navîn û lîse li Gimgimê xwendiye. Despêka bi kurmancînivîsana wî 1993 ye. Di heman salê de helbest û çîrokên wî têne weşandin. Di salên du hezarî de ew hinek termên matematîgê diafirîne û ji Enstituyê re bi rê dike. Ew xebat di sala 2006'an de di Azadiya Welat de tê weşandin. Nivîskar ji sala 1993'yan heya sala 1997 an li Mêrdînê, li sendîkaya kedkarên qada perwerdehiyê, wekî sekreterê perwerdehiyê rêveberî dike. Di sala 2001'ê de, bi pêşniyara wî, li Îzmîrê, ‘Konferansa Nivîskaran’ tê lidarxisitin. Li dû konferansê, ew qerar digire û bi tenê bi edebiyatê re mijûl dibe. Dîwana wî ya ewil “Ratîka” di sala 2002'yan de çap bûye. Di gelek malper, rojname û kovaran de, nivîsên wî hatine weşandin. Romana wî “Perde” bi navê “Mahrum” bi tirkî derketiye. Bi tevî pirtûkek di derheqê Cîgerxwîn de hatiye weşandin, di pirtûka bi navê “Kawayê Min” de û di pirtûka kurteçîrokan a ji hêla Şaredariya Amedê ve hatiye çapkirin de ew jî yek ji nivîskaran bû.

Heya niha gelek pirtûkên wî ên helbestê, çîrok û romanên wî hatine weşandin. Dosya helbestan a nû "Asê", romana wî a nû “7 AV 7 Agir 7 Derî” bi tevî hemî berhemên wî wê heya payîza 2023'yan ji nav weşanên Peywendê werin weşandin.

Cîhan Roj hê jî bi romanûsiyê re mijûl e.