RIHA 

Wêjevan ji bo li sînorê Kobanê zincîra ji mirovan çêbikin bikin çûn Pirsûsê. Wêjevan bi banga "Tirkiye bila korîdorê veke" hatin ba hev. Mebûsên HDP'ê pêşwazî li wan kir.

Wêjevanên ku çend roj berê li Stenbolê hatibûn cem hev û banga piştgiriya ji bo Kobanî kiribûn vê carê berê xwe dan Kobanî. Komek wêjevan ku piraniya wan tirk bûn ji Stenbolê berê xwe dan Pirsûsê. Nivîskarên kurd jî ji Amedê berê xwe dan Pirsûsê û li ser sînor hatin ba hev. Di nav kesên çûn pirsûsê de nivîskar û wêjeyanên wekî Asli Erdogan, Ayşegul Tozeren, Can Oz, Gaye Boralioglu, Hatîce Meryem, Işil Ozgenturk, Menekşe Toprak, Murathan Mungan, Sema Kaygusuz, Seray Şahîner, Vivet Kanetti, Aydin Alp, Azad Zal, Edip Polat, Eyup Guven, Felatê Dengizî, Firat Cewerî, Hîcrî Îzgoren, Hogîr Berbir, Îsmaîl Dîndar, Kristin, Lal Laleş, Mehdî Perînçek, Mehmet Devîren, Mehmet Yilmaz, Mem Mîrxan, Muharrem Erbey, Murat Sayan, Murat Ozyaşar, Nihat Ozdal, Osman Ozçelîk, Remziye Arslan, Rizoyê Xerzî, Rodî Zinar, Roşen Rojbîn, Sevînç Koçak, Sîdar Jîr, Şerefxanê Cizîrê, Şeyhmus Dîken, Şener Ozmen, Vedat Çetîn, Yavuz Ekîncî, Zulkuf Kişanak hebûn.

Wêjevanên ku çûn Rêxistina DBP’ê ya Pirsûsê, ji aliyê mebûsên HDP'ê Îbrahîm Ayhan, Îbrahîm Bînîcî, Gursel Yildirim û Faysal Sariyildiz ve hatin pêşwazîkirin. Îbrahîm Bînîcî diyar kir ku hatina wêjevanan gelek watedar e û berxwedana Kobanî ya ketiye roja 40’emîn ji bo nirxên mirovahiyê hatiye kirin û  bûye malê dîrokê.

Dûre nivîskar û wêjevan çûn Bajarê Konan a Arîn Mîrkan ku kobaniyî lêne. Zarokên Kobanî bi diruşma "Bijî Berxwedana YPG" û "Bijî Berxwedana Kobanî" pêşwazî li wan kirin. Nivîskar dûre çûn gundê Mehser ku lê nobeta berxwedanê tê girtin û li wê derê zincîra ji mirovan çêkirin. Li ser sînor daxuyanî dan çapemeniyê. Murathan Mungan ku li ser navê nivîskaran axivî got: "Ji bo ku dinya bibe ciheke baştir Kobanî xeyaleke baş pêşkêşî hemû mirovahiyê kiriye."

Mungan wisa got: "Kobanî ji bo me ne tenê parçeyeke ax e. Ew welatê hemû gelên ku ber xwe dide ye. Vê berxwedanê tiştek nîşanê dinyayê da. Li cihek ku sê aliyên wê hatibin girtin, aliyê wê yê din jî hatibe girtin, li wê derê tenê jî dikare berxwedana mirvahiyê bê kirin. Ji bo dinya bibe ciheke xweştir Kobanî xeyaleke pêşkêşî me dike. Şêwazeke rêveberî ku derdixe pêş her kes dikare xwe di nav de bibîne. Ew der modeleke jiyanê pêşkêşî gelên Rojhilata Navîn dike ku ew gel li ser kişikê hêzên emperyal bûye piyon. Em mirovên ku xeyala vê modelê dibînin hatine vê derê."

Hevserokê Komeleya Nivîskarên Kurd Mehmet Yilmaz jî got ku yên ku dibêjin "PKK û DAIŞ wekî hev in" ne birên me ne, ew dirû ne û got: "Birayê rastîn ê kurdan hûn dizanin kî ne? Hakan Çelik, Nejat Agirnasli ne. Îro lehengên ku ber xwe didin dîrokeke nû dinivÎsin. Dê roman, helbest, stranên vê dîrokê bêne çêkirin."