RIHA
Yekîtiya Tabîbên Tirk (TTB) ji bo balê bikşîne ser êrîşên çeteyên DAIŞ'ê yên li hemberî gelê Kobanî, li ser sînorê Pirsûsê ku lê nobeda berxwedanê tê girtin, zincîra ji mirovan çêkir. Sekreterê Giştî yê TTB'ê Prof. Dr. Ozden Şener got, "Li vê derê agireke heye ku li Kobanî pêket li tevahiya welêt belav bû. Ji bo em kevirekî li pira jiyanê ya li ser xeta Kobanî-Pirsûsê zêde bikin, em li vir in."
Bi sedan doktor û xwendekarên tibê yên endamên Yekîtiya Tabîbên Tirk, bi armanca şermezarkirina êrîşên DAIŞ'ê yên li hemberî Kobanî û balkişandina ser komkujiyên gengaz hatin ser sînorê Kobanî. Doktorên hatin gundê Mahser ê navçeya Pirsûsê pankartên bi nivîsa "Doktor banga aştî û jiyanê dikin", "Doktor ji bo parastina jiyanê diçin ser sînor" vekirin û heta ser sînorê Kobanî meşiyan. Doktoran timî diruşmên "Kobanî ne bi tenê ye", "Bijî berxwedana Kobanî", "Bijî biratiya gelan" û "Bijî berxwedana YPG'ê" qîriyan, li vir daxuyaniyek dan.
Endamê Konseya Navendî ya TTB'ê Huseyîn Demîrdîzen bal kişandi ser berxwedana bersiva li êrîşên DAIŞ'ê yên li hemberî Kobanî, Sekreterê Giştî yê TTB'ê Prof. Dr. Ozden Şener jî got, "Li vê derê agireke heye ku li Kobanî pêket li tevahiya welêt belav bû. Ji bo em kevirekî li pira jiyanê ya li ser xeta Kobanî-Pirsûsê zêde bikin, em li vir in."
Şener bal kişand ser çalakiyên protestoyî yên li gelek bajaran ji bo balkişandina ser êrîşên li hemberî Kobanî û destnîşan kir ku destwerdana bi şîdet û hêzeke zêde li daxwazên demokratîk, helwestek antî demokratîk e. Şener got, "Em dixwazin li vî welatî ne Serokwezîr, hiqûq cezayan diyar bike."
Dûre li ser navê TTB'ê Sekreterê Giştî yê Odeya Tabîban a Stenbolê Samet Menguç daxuyanî xwend. Menguç diyar kir ku êrîşên DAIŞ'ê yên li hemberî gelê Rojava û Kobanî her roj zêde dibin û wiha dom kir: "Drama mirovahiyê ya li Kobanî li pêş çavên cîhanê diqewime roj bi roj mezin dibe, çirûskên şewatê bi welatê me jî ketiye. Di xwepêşandanên bi rojan li welatê me dewam dikin de bi dehan welatiyên me mirin, bi sedan birîndar bûn, bajarên me veguherîn qada şer. Tirkiye piştî salan careke din li pêkanînên rewşa awarte rast hat."
Menguç da zanîn ku gelê Kobanî li dijî çeteyên ku ji hêzên serdest alîkariya çek, cebilxane û lojîstîkê dikirin, têkoşîna rûmet û mirovahiyê dimeşîne. Menguç got: "Ji bo em nerazîbûna xwe ya li hemberî siyasetmedarên ku dixwazin welatê me bikin cîranê kujerên hov ên mîna DAIŞ'ê, em hatine Pirsûsê, em li ser sînorê Kobanî ne."