AMED

Hevşaredara Bajarê Mezin a Amedê Gultan Kişanak di komxeabata amadekirina Konferansa Aborî ya Demokratîk de axivî û diyar kir ku divê li ser însiyatîfa mijarên malî û çavkaniyên herêmî mafê danhevê û pêşxistina nêrînan de nîqaş bên meşandin û wiha got: "Em tene xweseriya siyasî naxwazin, em xweseriya malî jî dixwazin."

Komxebata amadekirina Konferansa Aborî ya Demokratîk ku ji hêla KCD, DTSO û şaredariyên bajarê mezin ên Amed, Mêrdîn û Wanê ve tê lidarxistin di roja duyemîn de bi mijara "Di rêveberiyên herêmî de polîtîkayên îktîsadî û avakirina îktîsadî" didome. Di rûniştinên îro yên komxebatê de Hevşaredara Bajarê Mezin a Amedê Gultan Kişanak, Serokê DTSO'yê Ahmet Sayar, Parlamenterê HDP'ê yê Mûşê Demîr Çelîk, rêveber û endamên HDP, DBP, MET-DER, KESK, Sendîkaya Genel-Îşê, Kooperatîfa Jinan a Mezopotamyayê, Tum Bel-Sen, TMMOB, MEGAM-DER û gelek saziyên sivîl, parêzer û hîndekar tevlî bûn. 

'Pereyên çavkaniyên herêmî li ku derê tên qerckirin'

Komxebat bi axaftina Hevşaredara Bajarê Mezin a Amedê Gultan Kişanak dest pê kir. Kişanak diyar kir ku ev xebat xebateke gelekî girîng e û bi salan e me ev xebata ku şekil dide jiyanê îhmal kiriye. Kişanak li ser têkiliya di navbera rêveberiyên herêmî û aboriyê de rawestiya û di vî alî de li ser divê çi bê kirin dîtinên xwe anîn ziman. Kişanak got ku divê herêm êdî mijara bê cemawerî çavkaniyên herêmî li ku derê xerc dike nîqaş bike û wiha dom kir: "Amed bajarê herî mezin ê ku çavkaniyên cemaweriyê di destê xwe de digire ye. Li hemberî çavkaniyên herêmî polîtîkayên taybet dimeşînin. Pereyên ku ji van çavkaniyên herêmî tên qezenckirin li ku derê tê xerckirin. Divê em van mijaran nîqaş bikin." 

Kişanak da zanîn ku hevkêşeya di navbera feqîrî û dewlemendiyê ji holê rabe divê ev mijar jî bi berfierhî bê nîqaşkirin.

'Dîrok xwe dispêre aboriya komunê'

Parlamenterê HDP'ê yê Mûşê Demîr Çelîk jî li ser mijara "Di rêveberiyên herêmî de pergala wesayetê û derfetên rêveberiyên herêmî yên aboriyê" axivî. ÇelÎk diyar kir ku wexta ku mirov li dîrokê dinêre dibîne ku gel xwe bi rê ve dibe û ev tişt anî ziman: "Bingeha civakê xwe dispêre aboriya komunê. Aborî tê wateya ku pêwîstiyên jiyanî xwe bi xwe bi cih bînin."

Piştî axaftina Çelîk Yurdusev Ozsokmenler jî li ser mijara "Di rêveberiyên herêmî de butçeya tevlîbûnê" axivî. Komxebat bi pêşkêşkirina mijaran û nîqaşan didome.