Diyarname
Derhêner Yeşîm Ustaoglu bi fîlmê xwe "Pandora'nın Kutusu" beşdarî Festîvala San Sebastian dibe.

Festîvala San Sebastian a Navneteweyî ku li dinyayê yek ji festîvalên girîng e li herêma Baska Spanyayê li dar dikeve. Festîvala ku îsal 56'emîn car dê di navbera 18-27'ê rezberê de li dar bikeve hin fîlmên ku dê beşdar bibin jî diyar bûn. Ji Tirkiyeyê jî derhêner Yeşîm Ustaoglu bi fîlmê xwe "Pandora'nin Kutusu" (Qutiya Pandorayê) beşdarî festîvalê û dê ji bo xelata mezin "Îstîrîdyeya Zêrîn" bikeve qayişkêşanê.

Derhêner Ustaoglu bi fîlmê xwe "Guneşe Yolculuk" ku hevaltiya kurdek û tirkek kişandibû bal kişandibû ser xwe, dûre "Bulutlarî Beklerken" kişandibû û di vî fîlmî de jî li ser pirsgirêka koça rûman sekinî bû. Ustaoglu niha fîlmekî nû kişand û fîlm berî ku here San Sebastianê dê li serê meha rezberê de li Festîvala Fîlman a Torontoyê promiyera wê ya cîhanê bê kirin.

Heta niha navê van derhêneran û fîlmên wan ku dê beşdarî festîvalê bibin diyar bûne: Derhêner Kim Ki-Duk ''Dream'', derhêner Michael Winterbottom ''Genova'', derhêner Semîra Mexmelbaf ''Two-Legged Horse'', derhêner  Christopher Honore ''La Belle Personne'', derhêner Daniel Burman ''El Nido Vacio'', derhêner Countney Hunt ''Frozen River'', derhêner Kristian Levring ''Fear Me Not'', derhêner Hiro-kazu Koraeda ''Still Walking'', derhêner Javier Fesser ''Camino'', derhêner Belen Macias ''My Prison Yard'', derhêner Jaime Rosales ''Tiro En La Cabeza'' û derhêner Rachid Masharawi ''Laila's Birthday'' cih digirin.
filmlerinin yer alacağı açıklandı.

***

Bi şertê nîşandayîna çavkaniyê her kes dikare nûçe, nivîs û fotoyên Diyarnameyê bikar bîne. Bêyî nîşandayîna çavkaniyê bikaranîna nûçe, nivîs û fotoyên Diyarnameyê qedexe ye.