EDENE

Li taxa Hurriyet ya navçeya Seyhana Edeneyê, polîsan ji wesayîteke zirxî bombeya deng avêt, bombe li serê zarokê 15 salî yê bi navê Îbrahîm Aras ket û Aras mir. 

Piştî bûyerê polîsan xwest cenazeyê birevînin. BDP'yiyên ku hatibûn cihê bûyerê xwedî li cenazeyê derketin û li benda dozger man. 

Polîsa got ku berî vê wan çalakiya hebû belav kiriye, tiştê di destê zarokan de dema diavêt me lê ketiye û ew miriye. Lê gelê li wê derê got ku tu çalakî tunebû.

Welatiyan bertek nîşanî polîsên ku xwestin cenaze bigirin dan û ber bi polîsên ku li nêzî cihê bûyerê sekinîne meşiyan. Li ser vê yekê polîsan gaz li ser gel reşandin. Li taxê her ku diçe hejmara girseyê zêde dibe.

Serokê BDP'a Edeneyê hat ber Adlî Tibê û got: "Zihniyeta ku serê zarokê 15 salî diperçiqîne em nizanin emê çi navî li wan bikin. Êdî baweriya me bi hikumet û dewletê nemaye."

Cenazeya Aras sibê dê bên veşartin. Hat gotin ku li taxa Dagliogluya Edeneyê merasima cenazeyê li dar bikeve. Her wiha hate gotin ku dê Hevseroka HDP'ê Sebahat Tuncel jî beşdarî merasimê bibe.