Diyarname

Nivîskar Ahmet Umut bi salan berê bi navê "Masal Masal Îçînde" pirtûkek derxistibû û wekî çîrokên ji bo zarokan pêşkêş kiribû. Pirtûk yekem car di sala 1995'an de hatibû çapkirin. Lê niha jinek bi îdîaya "ew întîxarê wekî tiştek baş nîşan dide" serî li dozgeriyê da.

Di çîrokek pirtûkê de bav li ber sekeratê ye û ji zarokê xwe re dibêje, "Ger tu bixwazî întîxar bikî xwe bi vê çengelê binxanî ve bike." Li gor nûçeya rojnameya Sabahê jinek ku dema ev pirtûk bi şev ji bo zarok xwendiye bi vê hevokê re şoq bûye.
Jinê xwendina xwe dema dom kiriye ku dîtiye ew zarokê di çîrokê de dixwaze xwe întîxar dema xwe bi wê çengelê ve dike ji wir qapax dikeve û zêr jê tên xwarê. Jina ku serî li dozgeriyê daye îdîa kiriye ku nivîskar întîxar wekî tiştek xweşik nîşan daye û ev yek jî ji bo zarokan ne tiştek baş e. Jina ku serî li dozgeriyê daye xwestiye pirtûk bê berhevkirin. Li ser vê yekê serdozgerî dest bi lêkolîna pirtûkê kiriye.

Ahmet Umît di pêşeka pirtûkê de dibêje ku diya wî ev çîrok ji bo wî gotine, diya wî jî 60 sal berê ji çîrokbêjek guhdarî kiriye û dibêje ku wî li gor zimanê îro lê aniye. Pirtûka ku ji 6 çîrokên dikevin nava hev pêk tê bi tirkî hatiye weşandin û pirtûkek xweş e. Her çiqas ji her temenî dikarin vê pirtûkê bixwînin û çêjek jê bigirin jî, ji bo zarokan bigota ji bo zarokên bi ser vê temenî re ye dê baştir ba.
Di pirtûkê de ev şeş çîrok, "Çîrok di nav çîrokê de", "Vegotina Şewqeçêker", "Vegotina Muezzîn", "Vegotina Hedad", "Vegotina Zêrkar", "Vegotina Zilamê Kor" cih digirin ku hemû bi hev ve girêdayî ne.