Diyarname

Enstîtuya Kurdî ya Stenbolê Xelata Ziman a Feqî Huseyn Sagniç ku ev 9 sal in dide, îsal dan Ronayî Onen. Onen got: "Ez vê xelatê didim jinên kurd."

Ji bo dayîna xelatê êvara 18'ê mehê ku di heman demê de roja avakirina Enstîtuyê ye li İnnpera Otela Taksîma Stenbolê merasima xelatdayînê li dar ket. Mebûsê BDP'ê Adil Zozanî, Hevseroka BDP'a Stenbolê Arife Çinar û gelek kes beşdar bûn.

Di şevê de sînevîzyonek li ser Feqî Huseyîn Sagniç hat nîşandayîn, axaftin hatin kirin û xelat hat dayîn.

Ronayî Onen ku xelata xwe ji destê rêveberê berê yê Enstîtuyê Alaattin Aktaş girt, xelata xwe diyarî hemû jinên kurd ên di bin zor û zehmetiyê de ne kir.

Her wiha piştî xelatê 25 kesên ku ji bo mamostetî li Enstîtu perwerdehî dîtibûn jî bawernameyên xwe girtin.