Diyarname

Encamên 7'emîn Pêşbaziya Çîrokan a Abdullah  Duran diyar bûn. Xelat dê roja 6'ê avrêlê bi merasimekê bêne dayîn.

Egîtîm--Sena Amedê ji bo bibîranîna zarokên kurd ên hatine kuştin xebatên xwe didomîne. Egîtîm-Sen ku ji bo Enes Ata çalaki firfirokê, ji bo Ceylan Onkol pêşbaziya wêneyan, ji bo Abdullah Duranê biçûk ku di sala 2006'an de li Amedê hat kuştin jî Pêşbaziya  çîrokan li dar dixe. Ev Pêşbaziya Çîrokan a Abdullah Duran îsal 7'emîn car hate li dar xistin û yên serketî diyar bûn. îsal di beşa kurmancî de 26, di beşa tirkî de 35, beşa kirmanckî (zazakî9 de jî 3 çîrok ji bo wan hatibûn şandin.

Juriyê encam diyar kir û ragihand. Kesên bi ser ketine di 6'ê avrêlê, saet 16.00'an de li avahiya Egîtîm-Sena Amedê dê bi merasimekê xelatên xwe bigirin.

Vane kesên di pêşbaziyê de bi ser ketine:

Beşa kurmancî:

Ji girtîgeha Bolu tîpa F, Metin Yamalak, bi çîroka xwe ya bi navê “Pîrê û Dîno,” xelate yekemîniyê,

Ji girtîgeha Kirikkale tîpa F, Musa Kaya, bi çîroka xwe ya bi navê “Kara Hamis,” xelata duyemîniyê,

Ji girtîgeha Dîlokê Kemal Silêman, bi çîroka xwe ya bi navê “Recim,” xelata sêyemîniyê, wergirtin.

Her hiwa ji girtîgeha Dîlokê, Ali Paksoy, bi çîroka xwe ya bi navê “Cuma,”; ji girtîgeha Muğla tîpa F, Resul Çetin, bi çîroka xwe ya bi navê “Kevok” û ji girtîgeha Kiriklareli tîpa F, Abdullatif Karasalanlı, bi çîroka xwe ya bi navê “Pepûlê,” xelata mansiyonê wergirtin.

Beşa tirkî:

Ji girtîgeha bolu tîpa f, Abdurrezzak Gulmez, bi çîroka xwe ya bi navê “Gidenler geri gelecek,” xelata yekemîniyê,

Ji Amedê Rojda Alak, bi çîroka xwe ya bi navê “Rems Dems,” xelata duyemîniyê,

Ji Amedê, Kubra Aksoy, bi çîroka xwe ya bi navê “Savunma,”  xelata sêyemîniyê, wergirtin.

Her wiha ji girtîgeha Balikesir, İlhamî Çinar, bi çîroka xwe ya bi navê, “Berfa sor Nero’nun şepalî”; ji Amedê, Mehmet Sait Korkut, bi çîroka xwe ya bi navê “Der’î Devlet” û ji girtîgeha Bolu tîpa F Eşref Sîncar, bi çîroka xwe ya bi navê “Fedar,”  xelatên mansiyonê wergirtin.

Beşa kirmanckî:

Di beşa Dimilî de, ji ber ku tenê 3 çîrok beşdar bûne, çîrok nehatine nirxandin lê belê her 3 çîrok jî bi xelata mansiyonê hatine xelatkirin.