AMED 30.01.2014 16:05:32
Li navçeya Çingûşa Amedê Şaredarê AKP'ê Mehmet Geçitli, ji AKP'ê îstîfa kir û derbasî BDP’ê bû. Parlementera BDP’ê ya Amed’ê Nursel Aydogan rozeta BDP'ê bi bersitûka Geçitli ve kir.
AKP'ê Zubeyir Aslanca ji bo şaredarî li Çingûşê wekî berendam nîşan da. Şaredarê niha Mehmet Geçilti ji ber vê yekê ji AKP'ê îstîfa kir û derbasî BDP'ê bû.
Ligel Geçitli, endamên Meclisa Giştî ya Bajêr jî di nav de bi sedan kes ji AKP'ê îstîfa kirin û derbasî BDP'ê bûn. Şaredarî Çingûşê Mehmet Geçitlî diyar kir ku, AKP’ê soz dabû wî lê li ser soza xwe nesekinî û wî jî îstifa kir.
Ji bo Geçitli roja 30'ê mehê merasimek li dar ket û rozeta BDP'ê bi berstûka wî ve kirin. Ligel Geçitli re du kesên ku ji encûmena bajarokê Yukari Şeyhler derbazî BDP’ê bûn.
Ji bo hilbijartina 30'yê adara 2014'an .erendamê Şaredariya Çingûşê yê BDP’a Niyazî Yigit diyar kir ku, ewê bi awayekî hîn bi hêztir kar bikin ji bo ku şaredariya navçeyê bi dest bixin.