AMÛDÊ
Rêveberiya Xweseriya Demokratîk a Kantona Cizîrê, piştî ku di 21’ê rêbendana 2014’an de hate îlankirin, civîna xwe ya yekemîn lidar xist. Di civînê de biryar hate girtin ku rêveberî xebatên xwe ji niha û pê de li bajarê Amûdê bimeşîne. Desteya Têkiliyên Derve jî hate erkdarkirin ku rêveberiyê bi hêzên derve re bide qebûlkirin.
Civîn li Navenda Çand û Hunerê ya Hurî ya bajarê Amûdê hate lidarxistin. Di civînê de Serokê Rêveberiyê Ekrem Hiso, 2 alîgirên wî û 22 wezîr tevlî amade bûn. Civîna ku bi rêzgirtinê destpê kir, ji çapemeniyê re girtî dom kir.
Piştî civînê Serokê Meclisa Rêveber a Kontonê Ekrem Hiso, cîgirên wî Elîzabet Koriyê û Hisên Ezam, civînek çapemeniyê lidar xist û derbarê tiştên di civînê de hatine nîqaşkirin de agahî dan. Ekrem Hiso di civînê de diyar kir ku wan di civînê de biryar girtiye ku ji niha û pê de xebatên Serokatiya Rêveberiya Kantonê li bajarê Amûdê bi rê ve bibin. Her wiha wê civînên xwe li vî bajarî lidar bixin, lê dibe ku wezaretên din xebatên xwe li hinek bajarên din bimeşînin.
Vane hin biryarên ku girtine:
- Ji niha û pê de wê hemû sazî girêdayî rêveberiyê bin û hemû endamên van saziyan jî dikarin tevlî rêveberiyê bibin.
- Hemû jêderên malî wê radestî rêveberiyê bên kirin. Ji vê yekê Desteya Têkiliyên Derve berpirsyar e.
- Roja betlaneyê roja înê ye.
- Derî ji hemû partî û kesan re vekirî ye.
Di dawiya axaftina xwe de Hiso bang li hemû aliyên opozîsyonê û rejîma Suriyê kir ku lehiya xwînê rawestînin, ji bo pêşeroja welatiyên Suriyê dest ji çekan berdin.
Hate gotin ku rêveberî wê di rojên pêş de dîsa bicive û sîstema xwe ya hundirin zelal bike.
ANHA
**
Nûçeyên eleqedar:
- Agahiyên nû li ser îlankirina Kantonên Efrîn û Kobaniyê
- HDP’ê Xweseriya Cizîrê silav kir
- Peyamên pîrozbahî yên ji bo ragihandina xweseriya Cizîrê
- BDP'ê ragihandina Kantona Cizîrê pîroz kir
.jpg)
.jpg)
.jpg)
.jpg)
