NAVENDA NÛÇEYAN
Hevseroka Giştî a HDP’ê Sebahat Tuncel li ser biryara Dadgehê a 8 sal û 9 meh cezayê girtinê wiha got: “Ev biryar wekî biryarekî zagonî nirxandin wê şaş be, diyar e ku biryar siyasî ye. Tekoşîna me ya demokratîk wê berdewam bike.”
9'emîn Daîreya Cezayê ya Dadgeha Bilind 8 sal û 9 meh cezaya ku dadgelê li Hevseroka HDP'ê Sebahat Tuncel birî bû erê kir.
Tuncel li 10'emîn Dadgeha Cezayê Giran a Stenbolê dihat darizandin û di sala 2007'an de dema wekî mebûs hat hilbijartin, hat berdan lê doz dewam kir. Dadgehê ceza dabû Tuncel û niha jî Dadgeha Bilind ev ceza erê kir. Li gor Xala 84'emîn a Zagona Bingehîn a Tirkiyeyê mebûsên ku ceza bixwin divê biryar li Lijneya Giştî ya Meclisa Tirkiyeyê bê xwendin. Ger hikumet rewşe heta wir bibe û destnedana mebûsiyê ya Tuncel rake, Tuncel dê bikeve hepsê.
Tuncel li ser biryarê wisa got: “Ev nîşaneya israrkirina kaosa di siyasetê, di çareseriya pirsgirêka kurd de û ne demokratîkbûnê de ye. Îro bi hezaran hevalên me di girtîgehê de ne û tu cudahiya me ji wan nîn e. Lê biryar nêzikatiya li hemberî siyasetvanên kurd bi şêweyekî zelal datîne holê.”
Tuncel ku got parlementerên CHP’ê Mustafa Balbay yê ku ji doza Ergenekonê hatibû girtin berdan û berdewam kirina rewşa girtî a siyasetmedarên kurd heman mantiq e û wiha got: “Tê famkirin ku dewlet di pirsgirêka kurd de israra di neçareseriyê de dike.”
Di navberê de, piştî erêkirina cezayê Tuncelê di medya civakî de bi diruşmeya “#SebahatTuncelOnurumuzdur” kampanya hat destpê kirin.
HDP: Biryara Dadgehê derbeya li vîna gel e
Partiya Demokratîka Gel (HDP) nerazîbûn nîşanî biryarê da û got: “Erê kirina vê biryara Dadgehê di heman demê de derbeyeke li pêvajoya têkoşîna pirsgirêka kurd a ‘çareserî û aştiyê’ hatiye dayîne. Biryarekî li hemberî xebatên civakî yên HDP’ê hatiye dayîne.