Diyarname

BDP'ê navên bajar û navçeyên ku di hilbijartina herêmî de dê ji bo jinan bêne veqetandin eşkere kir.

BDP sedî 40 ji bo jinan kotayê vediqetîne. Vê yekê di hilbijartina herêmî de jî pêk tîne. Bi vê yekê re diyar kiriye ku dê Bajarê Mezin ê Amedê jinek bi rê ve bibe.

Serîlêdana ji bo cihên ku dê jin wekî şaredar bêne nîşandayîn heta 25'ê vê mehê bû lê heta 30'ê mehê hat dirêjkirin.

Li gor agahiyên gihîştine ber destên me di van navçe û bajaran de dê jin wekî berendam bêne nîşandayîn, yanê ev der ji bo jinan hatine terxankirin:

Şaredariya Bajarê Mezin a Amedê, navçeyên Amedê Licê, Gêl, Bismil, Baglar, Farqîn; navçeyên Wanê yên wekî Edremît, Ercîş, Îpekyol, Qelqelî, navenda Culemêrgê û navçeya wê Gever; navçeyên Mêrdinê Nisêbîn, Dêrik, Şemrex; her wiha li navçeyên Şirnexê Cizîr û Qilaban; navçeyên Mûşê Gimgim, Bûlanix, Diyadîn; dîsa Mazgir (Dêrsim), Serêkanî (Riha), Pazarcix (Mereş). Li van deran dê mêr nikaribin ji bo pêşberendamtiyê serî lê bidin.

Her wiha ji bilî ev cihên ku wekî kotaya jinan diyar kirine, li cihên din ji bo pêşberendamî dê hem jin, hem mêr serî lê bidin. Piştî pêşhilbijartinê kî bi ser bikeve dê wekî berendam bêne nîşandayîn.