AGIRΠ

Avahiya BDP'ê ya navçeya Agirî Bazîdê rastî êrîşa çekdarî ya kes an jî kesên nenas ve hat.

Avahiya BDP'ê ya navçeya Agirî Bazidê, duh êvarê rastî êrîşa çekdarî ya kes an jî kesên nenas ve hat. Piştî ku bûyer hat bihîstin Hevserokên BDP'ê yên Navçeyê Cemîl Rizaogûllari û Fatma Okçû, Şaredara Bazîdê Canan Korkmaz, Alîkarê Şaredarê Bazîdê Mehmet Yavûz, Nûnerê TUYAD-DER ê Bazîdê Mehmet Bozkûrt, endamên meclîsa şaredariyê, Serokê Meclîsa Giştî ya Bajarê Agirî Kenan Alkan û gelek rêveberên partiyê hatin cihê bûyerê.

Derket holê ku 9 fîşek li avahiya partiyê ketine. 

Hevserokê BDP'ê yê Bazîdê Cemîl Rizaogûllari li ber avahiya partiyê daxuyaniyek da çapemeniyê û got, "Duh bi şev, kesên nenas êrîşî avahiya partiya me kirin. Bi taybetî jî gule li odeya jinan hatiye reşandin, ev yek jî rê fikaran vedike. Em vê êrîşê weke êrîşek li hemberî qasidê jiyana azad û aştiyê Birêz Abdûllah Ocalan dibînin. Ji ku derê tê bila were, êrîş dê têkoşîna me qels neke."

Şaredara Bazîdê Canan Korkmaz jî êrîş bi tundî şermezar kir û got, "Em vê êrîşa li dijî partiya xwe qebûl nakin. Em dixwazin ev yek were ronîkirin. Emê şopdarên vê bûyerê bin."