Diyarname
Komeleya Nivîskarên Kurd ku rêveberiya xwe nû kir wekî xebata xwe ya yekemîn Xelata Rûmetê dide helbestvan Ehmed Huseynî.
Nivîskar û helbestvanê kurd ê ji rojavayê Kurdistanê Ehmed Huseynî bi taybetî bi helbestên xwe hema ji aliyê her kurdî ve bûye xwedî ciheke bi qîmet e. Huseynî digel xebata xwe ya wêjeyî di van demên dawî de ji bo Şoreşa Rojava jî gelekî ked da. Niha ev keda wî tê xelatkirin.
Komeleya Nivîskarên Kurd ku rêveberiya xwe nû kir* dest bi xebatan kir. Komele wekî xebata yekemîn Xelata Rûmetê dide helbestvan Ehmed Huseynî. Komeleyê di daxuyaniya ku weşand de got ku ji bo keda wî ya pîroz a li ser ziman û wêjeya kurdî "Xelata Rûmetê" em didin şaîrê gewre Ehmed Huseynî. Komele bi taybetî balê dikişîne ser xebata wî ya li rojavayê Kurdistanê û bi sipasiyên xwe wî xelat dike. Komele bang li her kesî dike ku beşdarî merasima xelatdayînê bibe û dibêje: "Ger hûn bixwazin wijdanê welatê me bibînin kerem bikin."
Merasima xelatdayînê 8'ê vê mehê, roja yekşemê saet 16.00'an de wê li Navenda Çanda Cegerxwîn a li Kayapinara Amedê li dar bikeve.
Li gor agahiyên me ji rêveberên komeleyê girtin dê xebatên xwe ji niha û pêde xurtir bikin.
***
Nûçeya eleqedar:
- Vaye rêveberiya nû ya Komeleya Nivîskaran
***
Bi şertê nîşandayîna çavkaniyê her kes dikare nûçe, nivîs û fotoyên Diyarnameyê bikar bîne. Bêyî nîşandayîna çavkaniyê bikaranîna nûçe, nivîs û fotoyên Diyarnameyê qedexe ye.