Diyarname

Roja 27'ê mehê li Serxetê jin li Nisêbînê û li Binxetê jî jin ji Qamişloyê hatin ber têlên sînor û silav li hev kirin.

Jinên endamên Tevgera Jinên Azad ên Demokratîk (DOKH) ku tevgereke nêzî BDP'ê ye ji bo piştgiriya Rojava li Nisêbînê çalakî li dar xistin.

Di nav jinan de Hevseroka KCD'ê Aysel Tugluk, Wekîla Serokê Koma BDP'ê Pervin Buldan, BDP PM üyeleri, rêveberên jin ên BDP'ê yên Mêrdîn, navçe û bajarokan, endamên Meclisên Şaredariyên BDP'ê yên Nisêbîn, Qoser, Dêrik, Şemrexê, Dayikên Aştiyê, nûnerên Saziyên Sivîl jî hebûn. Jinan pankartên "Şoreşa Rojava şoreşa jinê ye em Şoreşa Rojava silav dikin", "Bi rihê 15 Tebaxê ji bo şoreşa Rojava hezar silav", "Gelê azad sînoran nas nake" û "Li Rojava komkujiya zarokan" vekirin û diruşmên wekî "Bijî PKK", "Bijî YPG", "Bijî berxwedana Rojava", "Silav silav ji Rojava re hezar silav", "Ocalan", "Bijî Serok Apo" bilind kirin.

Wekîla Serokê Koma BDP'ê Pervin Buldan wisa axivî: "Em ji vê derê, bi taybetî şoreşa ku jinan li Rojava daye dest pê kirin silav dikin. Em ji vê derê vê peyamê ji bo yên ku vî welatî dibin dişînin; Gelê kurd li kîjan erdnîgarî dibe êdî xwaze bê kuştin, înkarkirin, tune hesibandin. Îro li Rojava rola mezin a jinên kurd di şoreşê de heye. Em îro jinên li Nisêbînê jî ji bo silavê li şoreşa Rojava bikin li vê derê ne. Bila rêveberên Tirkiyeyê bizanibe ku şoreşa Rojava şoreşeke birûmet e."

Hevseroka KCD'ê Aysel Tugluk jî got Şoreşa Rojava şoreşa azadî, demokrasî û mirovahiyê ye û wisa got: "Şoreşa Rojava rêya xwe diyar kiriye. Wan modela Sûriyeyek demokratîk, Kurdistana Xweser raxistiye ber çavan. Herkes divê hurmetê nîşanî vê vînê bidin. Em bang li her kesî dikin ku vê yekê bipejirînin."

Jinên ku çalakî li dar xistin ji bo piştgiriya Rojava heta sibê dê nobetê bigirin.

Ji aliyên din ê sînor jî jinên kurd ber bi sînor ve hatin û silav li jinên li aliyê Nisêbînê hatibûn kirin. Dîmeneke balkêş ku tenê sînor li nava wan e derket holê.

Me jî ev wêneyên vê çalikiyê wekî wêneyên roja hilbijartin û em pêşkêşî we dikin.

Foto ji DÎHA'yê hatine girtin