Diyarname

Hevserokê BDP'ê Selahattin Demirtaş beşdarî bernameya "Ne Oluyor?" a Şirin Payzin ya di CNNTurkê de bû. Demirtaş li ser nêzîktêdayîna wan a dewletbûnê, li ser hilbijartina herêmî, li ser Rojava û gelek mijarên din dîtinên xwe anîn ziman. Vane ji gotinên Demirtaş çend not:

- Fikra me ya li ser dewletbûnê ev e: Dewleteke serbixwe cuda, dewleta neteweyî cuda ye. Em dijî netewedewletê ne, ne ku em dijî dewletbûnê ne. Hin kurd, wekî ku em dewletê naxwazin me nîşan didin. Na, em dijî netewedewletê ne. Em îro xweserî dixwazin. Kurd dewletê çêkin jî gere ev ne netewe dewlet be. Em ji netewedewletbûnê zêdetir, jê wêdetir tiştinan diparêzin.

- Niha li Başûr di Zagona Bingehîn de jî nivîsiye, Herêma Kurdistana Federal. Lê dema Serokwezîrê Herêma Kurdistanê Nêçîrvan Barzanî, yan jî dema birêz Mesûd Barzanî tê Tirkiyeyê çapemeniya tirk hê navê wir nayne ziman, digel ku bi awayekî fermî navê Kurdistanê derbas dibe jî.

- Di hilbijartina herêmî de emê surprîzê çê bikin. Bajarên ku niha di destên me de ne emê bi awayekî xurtin li wan deran bi ser bikevin. Cihên surprîz ku emê bi dest bixin hene. Mînak li Erzeromê dê şaredariyek me hebe. Li Mêrsinê niha heye, li Edeneyê jî, li Konyayê jî wê şaredariyên me hebin. Li benda surprîzan bin. Em van deran jÎ bi dest bixin ku bila Tirkiye bibîne BDP çawa bajaran bi rê ve dibe.

- Îro li Tirkiyeyê hilbijartina giştî çêbe niha dengên me li dor sedî 10-11 e.

- Dê Kongreya Neteweyî ya Kurdan li dar bikeve. Nehat niha paytextan nedixwest ev kongre li dar bikeve, pêşî lê digirtin, lê êdî ew derfet tune ye. Kongre dê li dar bikeve.

- (Li ser pirsa gotinek Ocalan gotibe û we şaşwaz kiriye hûn dikarin bînin ziman) Ez niha çi bibêjim dê wekî propaganda bê dîtin. Loma divê hûn herin bibînin. Ji ber vê Ocalan dixwaze bi hin rojanemegeran re bê ba hev. Ez vê bibêjin, hê di sala 2011'an de, sal û nîv berê li ser Sûriyê û Rojava gotibû: "Dê bûyer derê, tevdîran bigirin." Dema niha ev bûyer derketin ew gotina wî hat bîra min. Em li vir destên me de telefon hene, înternet, şêwirmendên me hene, lê ew di hucruyekê de, ew qas sal in bi tenê, ji me zêdetir dinyayê tehlîl dike.

- Em dixwazin hikumet heta serê mehê dê çi bike ji bo me, ji bo we rojnamegeran eşkere bike. Ne ku em dibêjin heta 1'ê rezberê dê pirsgirêk çareser bibe. Tiştek wisa nîn e, lê qet nebe divê tiştên ku dê bike em pê bizanibin.