Diyarname

Serketin di vir de ye: Cîzre Spor di Lîga Amator a Herîmî (BAL) de dilîze. Goztepe spor di Koma Sor a Lîga 2'yemîn de dilîze. Yanê sê qat bi ser Cîzresporê re ye. Ev her du tîm îro di maça Dora 3'yemîn a Kûpaya Zîraatê ya Tirkiyeyê de hatin hemberî hev. Cîzresporê bi 2-0 Goztepe têk bir û ew şand mala xwe.

Maç îro li Cizîrê li dar ket. Temaşevanan eleqeyeke mezin nîşanî maçê da. Ji ber nebûna cih hin temaşevan çûn ser baneya stadê, hin ji avahiyan li maçê temaşe kirin. Cizre spor ku heta niha bi serketî hatibû dikir ku di vê maçê de jî bi ser bikeve û derbasî Maçên Koman ên Kûpayê bibe. Bi vî awayî bû jî.

Cîzresporê lîstikvanekî bi navê Serge Pacome Dijehoua transfer kiribû û bi vê transferê nav dabû. Di deqîqeya 84'an de li ser navê Cîzresporê Onur Gudul, di deqîqeya 87'an de jî Serge Pacome Dijehoua gol avêt û serketina Cîzresporê şanî Tirkiyeyê da.

Kasimpaşa jî têk çû

Surprîza din di maça Tuzlaspor û Kasimpaşa Sporê de derket holê. Kasimpaşa di Lîga Super a Tirkiyeyê de dilîze û niha di rêza 5'an de ye, Tuzlaspor di Koma 1'em a Lîga 3'yem de dilîze û niha di rêza duyemîn de ye. Di maça her du tîman de Tuzlayê bi 3-1 Kasimpaşa têk bir û ew şand mala xwe.