SORAN HUSÊN - HEWLER 

Wezîrê Rewşenbîrî yê Hikumeta Herêma Başûrê Kurdistanê Helgurd Ebdulwehab got ku ew amade ne derfetên weşanê bidin Roj TV.

Ebdulwehab got ku biryara Danîmarkayê ku ya betalkirina lîsansêr Roj, Nûçe û MMC TV biryareke siyasî ye. Ebdulwehab bang li van kanalên kurd kir ku werin başûrê Kurdistanê û wisa got: "Ew dikarin weşana xwe ji vir bidomînin. Li vir li ser televîzyon û radyoyan zagonên me hene. Di çarçoveya van zagonan de dikarin weşanên xwe bikin."

Wezîr Ebdulwehab bal kişand ser ku ji başûr kanalên Ereb jî hene weşanê dikin û got ger daxwaza rayedarên Roj TV hebe ew dê serî li rayedaran bidin.