Diyarname

Neteweyên Yekbûyî (NY) li ser serjimariya dinyayê raporeke amade kir. Li gor raporê di dawiya sedsala 21'ê de dê hejmara mirovên li dinyayê dijîn bigihîje 11 mîlyar kesî. Herî zêde jî li welatên Afrîkayê serjimarî zêde dibe.

Zanyaran di sala 2011'an de texmîna xwe kiribû ku di dawiya vê sedsalê de dê serjimariya dinyayê bibe 10.1 mîlyar kes. Lê niha hesabkirineke nû çêbû û 800 mîlyonek din li vê jimarê hat zêdekirin. Sedema vê zêdekirinê jî zarokanîna li Afrîkayê hat nîşandayîn. NY'yê berê gotibû ku li Afrîkayê dê rêjeya zarokanînê kêm bibe.

Li gor nûçeya ntvmsnbc ji Zanîngeha Washingtonê profesorê îstatîstîk û sosyolojiyê Adrian Raftery wisa gotiye: "Daketina rêjeya zarokanîna li Afrîkayê bi qasî me texmîn dikir çênebû, li gelek cihan daketina vê rêjeyê sekinî. Ji ber vê yekê dê serjimariya Afrîkayê zêde bibe."

Serjimariya Afrîkayê li dor 1.1 mîlyor e. Tê texmînkirin ku di sala 2100'î de ev yek derkeve 4.2 mîlyarî.

Raftery dibêje li Ewropayê ji ber bûyîr ji mirinan hindiktir e, hejmara Ewropayê dê hinek dakeve.

Di sala 1999'an de dema serjimariya dinyayê 6 mîlyar bû, di sala 2011'an de ev derket 7 mîlyarî.