Wan
Di çarçoveya 1'emîn Festîvala Çand, Huner û Xwezayê ya Gola Wanê de li Kolana Komarê pêşengehên wêne û standên danisîna çanda herêmê hatin vekirin.

Festîvala ku ji aliyê Şaredariya Wanê ve tê organîzekirin heta 4'ê tîrmehê li dar e.
Di çarçoveya festîvalê de Kolana Komarê ya Wanê ji bo 4 rojan ji bo trafîkê hat girtin û standên danasînê, pêşangehên wêne, cil û berg, standên rojnameya Azadiya Welat û Gunlukê hatin vekirin.
Di "Kona Raman û Ronahiyê" de ku li wir hatiye vekirin de jî wê nîqaşên li ser felsefeyê bêne kirin.

Şaredarê Wanê Bekîr Kaya, şaredarên herêmê û cîgirên wan li Salona Midûriyeta Çandê ya Bajar pêşangeha resîman a bi navê "Rengê Xeyalên me" ya ji berhemên girtîgehan pêk vekirin.

Di kolanê de, di standa Azadiya Welat de kampanyaya îmzeyan a ji bo azadiya Vedat Kurşun jî hatiye li dar xistin û kesên bixwazin piştgiriyê bidin Kurşun dikarin li wê derê îmzeyê bavêjin bin metnê piştgiriyê.